काठमाडाैं - थुप्रै सुपरहिट धारावाहिकका निर्माता तथा निर्देशक रहेका अभिनेता धीरज कुमारको ८० वर्षको उमेरमा निधन भएको छ । उनले मुम्बईस्थित कोकिलाबेन धीरुभाई अम्बानी अस्पतालमा मंगलबार अन्तिम सास लिएका हुन् ।
शनिबार निमोनियाका कारण अस्पताल भर्ना गरिएका उनलाई गम्भीर अवस्थामा भेन्टिलेटरमा राखिएको थियो । सन् १९६० को दशकमा एक चर्चित पत्रिकाद्वारा आयोजित ट्यालेन्ट हन्ट प्रतियोगितामा सहभागी भएसँगै धीरज कुमारले अभिनय यात्राको सुरुवात गरेका थिए ।
‘उधार का सिन्दूर’, ‘सरगम’, ‘रोटी कपडा और मकान’, ‘स्वामी’, ‘रातोँ का राजा’, ‘हीरा पन्ना’, ‘क्रान्ति’, ‘माँग भरो सजना’, ‘पुराना मन्दिर’, ‘कर्म युद्ध’ र ‘बहुरूपिया’ जस्ता चर्चित हिन्दी फिल्महरूमा उनले अभिनय गरेका थिए । हिन्दी फिल्महरूमा प्रवेश गर्नुअघि उनले २० भन्दा बढी पञ्जाबी फिल्महरूमा पनि अभिनय गरेका थिए ।
सन् १९८६ मा धीरज कुमारले आफ्नै प्रोडक्सन कम्पनी ‘क्रिएटिभ आइ’ स्थापना गरेका थिए । यस प्रोडक्सन हाउसमार्फत उनले थुप्रै फिल्महरू मात्र होइन, लोकप्रिय पौराणिक धारावाहिकहरू पनि निर्माण गरेका थिए ।
-1752335779.jpg)
