मोरङ- मोटरसाइकल चोरीमा संलग्न रहेको अभियोगमा बिहीबार साँझ प्रहरीले एक जनालाई पक्राउ गरेको छ ।
विराटनगर महानगरपालिका-२ हिमालयन बैंक अगाडि सडक किनारमा पार्किङ गरी राखेको मोटरसाइकल नम्बर को.३९ प ४१५० गत जेठ २८ गते चोरी भएको भन्ने उजुरीको आधारमा प्रहरीले प्रहरीले एक जनालाई पक्राउ गरेको हाे ।
पक्राउ पर्नेमा बेलवारी नगरपालिका-६ बस्ने ३७ वर्षीय किसन चौधरी रहेका छन् । जिल्ला प्रहरी कार्यालय मोरङबाट खटिएको प्रहरीले खोजी गर्ने क्रममा कटहरी गाउँपालिका-१ स्थित उक्त मोटरसाइकल चलाउँदै गरेको अवस्थामा फेला पारी किसनलाई प्रहरीलेपक्राउ गरेको हाे ।
उनी उपर जिल्ला अदालत मोरङबाट म्याद थप अनुमति लिई यस सम्बन्धमा प्रहरीले आवश्यक अनुसन्धान गरिरहेको छ ।
