काठमाडौं - एनसेलले ‘सधैं अन करोडपति’ योजना सार्वजनिक गरेकाे छ । ग्राहकलाई सधैं सुलभ र कनेक्ट राख्ने उद्देश्यले आइतबारदेखि १२ हप्तासम्म सहभागीहरुले १ करोड रुपैयाँको बम्पर नगद पुरस्कार जित्ने ‘सधैं अन करोडपति’ नामक आकर्षक योजना एनसेलले सार्वजनिक गरेकाे हाे ।
ग्राहकहरूले कम्तीमा ९९ रुपैयाँ बराबरको कुनै पनि एनसेल सेवा खरिद गरी योजनामा सहभागी हुन सक्छन्। जति बढी सेवा खरिद, उति बढी टिकट प्राप्त हुने र जित्ने सम्भावना पनि त्यत्तिकै बढ्ने कम्पनीले जनाएको छ। सेवा खरिद गरेपछि ग्राहकलाई टिकटको लिङ्क एसएमएसमार्फत पठाइनेछ। टिकट संख्या हेर्न *९९९९# डायल गर्न सकिनेछ वा एनसेल एप र वेबसाइटमार्फत पनि जानकारी लिन सकिनेछ।
योजनामा रिन्यूअल वा रोमिङ प्याक खरिद गर्ने ग्राहकले दोब्बर टिकट प्राप्त गर्नेछन्। उदाहरणका लागि, ९९ रुपैयाँको सामान्य प्याकमा १ टिकट पाइने भए पनि रोमिङ वा रिन्यूअल सेवामा २ टिकट पाइनेछन्।प्रिपेड, पोस्टपेड र वायर–फ्री ग्राहकहरू (जसको नाममा नेपाली बैंक खाता र प्यान नम्बर छ) सबैले यस योजनामा भाग लिन सक्नेछन्।
एनसेलका प्रमुख कार्यकारी अधिकृत जाब्बोर कायुमोभले भने, “सधैं अन करोडपति योजनामार्फत हामीले १ करोड रुपैयाँको नगद बम्पर पुरस्कारदेखि सहभागी सबैलाई केही न केही बोनस दिने व्यवस्था गरेका छौं। यो मनसुनमा यस्तो योजना ल्याउन पाएकोमा हामी उत्साहित छौं।”
प्रत्येक हप्ता १० जना भाग्यशाली विजेताले जनही १ लाख रुपैयाँ नगद पनि जित्नेछन्। हरेक आइतबार साँझ ६:३० बजे एनसेल यूट्युब,एनसेल एप र कान्तिपुर टिभीमार्फत विजेता घोषणा गरिने कम्पनीले जनाएकाे छ।नगद पुरस्कार प्राप्त गर्न एनसेल आफैं विजेतासँग सम्पर्क गर्ने जनाएकाे छ।
