काठमाडाैं - सांसद सुमना श्रेष्ठले मिटरब्याज पीडितले कहिले न्याय पाउँछन् भनेर प्रश्न गरेकी छन्। प्रतिनिधि सभाको मंगलबारको बैठकमा बोल्दै उनले गौरीबहादुर कार्कीले दिएका सुझाव र श्रीमान तेजबहादुर कार्कीको आयोगले बनाएको कार्यविधि स्वीकृत गरेर कार्यान्वयन गर्ने हो भने ८० प्रतिशत समस्या समाधान हुने बताएकी हुन्।
‘मिटरब्याज पीडितले कतिञ्जेल आन्दोलन गरिरहने? आयोगमाथि आयोग थप्ने र पीडितको समस्या गिजोल्ने राज्यको नियत के हो? हिजो भएको छलफलमा आयोगका अध्यक्षले पीडितले भनेजस्तो काम गर्न नसक्ने बताएका छन्।
यसअघिको आयोगलाई असहयोग गरियो, असफल बनाइयो। अहिले कामचलाउ प्रतिवेदन लेख्न अर्को आयोग गठन भयो। पीडितले भेट्न जाँदा सिंहदरबार प्रवेशमा निषेध छ। मिटरब्याज पीडितको समस्या यसरी समाधान हुँदैन,’ उनले भनिन्।
उनले आफ्नो पार्टीको साहु महाजन जोगााउन पीडितमाथि राजनीति नगर्न पनि आग्रह गरेकी छन्। ‘किन पीडितको आन्दोलनदेखि डराउने तर तिनको पक्षमा काम गर्न नसक्ने?,’ उनले प्रश्न गर्दै भनिन्।
Ncell
-1745656903.jpeg)