काठमाडाैं- युनिभर्सल फेथ कलेक्टिभ कृष्ण माध्यमिक विद्यालयमा अध्ययनरत ४८० जना विद्यार्थीलाई विद्यालय पोसाक, ब्टेसनरीलगायत सामग्री वितरण गरिएको छ । चन्दागिरि नगरपालिका -१ मा रहेको उक्त विद्यालयमा बिहीबार एक कार्यक्रम आयोजना गरी विद्यार्थीहरूलाई सहयोग सामग्री हस्तान्तरण गरिएको हो।
सहयाेग वितरण कार्यक्रममा सहयाेग संस्थाक प्रतिनिधि सुश्री सुन,चन्दागिरि नगरपालिकाका प्रमुख घनश्याम गिरी , विद्यालयका प्रधानाध्यपक खड्ग बहादुर श्रेष्ठ, विद्यालय व्यवस्थापन समितिका रामहरी रिमाल, बड़ा नम्बर १ का हरिश्याम मगरलगायतको उपस्थिति थियो।
कार्यक्रममा बोल्दे एफसी फाउण्डेसन सुनले उक्त विद्यालयमा नर्सरीदेखि १० कक्षासम्म अध्ययन गरिरहेका विपन्न तथा अशक्त परिवारका विद्यार्थीहरूलाई पाेशाक , स्टेसनरी ,झाेला तथा दैनिक अावश्यक सामग्री हस्तान्तरण दिइन। बानबालिकालाई शैक्षिक पहुँचमा सहजता दिलाउने उद्देश्यले सहायता वितरण गरिएको उनले बताइन्।
उनले यस प्रकारको सहयोग नेपालको विकट क्षेत्रका विपन्न तथा परिवारका विद्यार्थीहरूसम्म पुर्याउने प्रतिवद्धता जनाइन् । साेही क्रममा उनले यही मे महिनामा देशभरका विभिन्न् विद्यालय तथा संस्थामा सञ्चालन हुने सहयाेग वितरण कार्यक्रमकाे तालिकासमेत सार्वजनिक गरिन् ।
सुनले सार्वजनिक गरेकाे तालिकाअनुसार जाजरकोटको भेरी नगरपालिका - ७ स्थित सीमा प्राथमिक विद्यालय, चन्द्रज्योति विद्यालय र लक्ष्मी माध्यमिक विद्यालय, रुकुमको चौरजहारी अनाथालय,इलामकाे अमर उच्च माध्यमिक विद्यालय ,काठमाडाैंकाे गोकर्णास्थित अपांग पुनर्वास केन्द्र , लाछी स्नाे माउन्टेन अनाथालय तथा धार्मिक बौद्ध कलेजमा यही मे र जुन महिनाभित्र सहयोग गर्ने कार्यक्रम रहेकाे जानकारी दिइन् ।
यी संस्थाहरूमा अध्ययनरत दृष्टिविहीन, न्यून दृष्टियुक्त, बहिरा, सुस्त श्रवण, मनोसामाजिक तथा बौद्धिक अपांगता भएका बालबालिकासहित पाँचहजार ९०० उक्त सहयोग वितरण गरिनेछ। विद्यालयका प्रधानाध्यापक श्रेष्ठले यो सहयोगले विद्यार्थीहरू उत्साह पने काम गरेको भन्दै सहयोगी स्थाई धन्यवाद दिए। 'विद्यार्थीका लागि आवश्यक पोसाक, स्टेसनरी तथा झोला उपलब्ध गराएर विद्यार्थीमा ठूलो उत्साह थप्ने काम गर्नुभएको छ । सहयोगी संस्थाहरूलाई विशेष धन्यवाद व्यक्त गर्दछु,' उनले भने ।
चन्द्रगिरि नगरपालिकाका प्रमुख गिरीले नगरको शैक्षिक विकासमा यस प्रकारको सहयोग अपरिहार्य रहेको बताए । 'नगरपालिकाले शिक्षा क्षेत्रमा विशेष ध्यान दिँदै सबै विद्यालयलाई प्राविधिमैत्री बनाउन 'स्मार्ट बोर्ड' वितरण गरेको छ । पोषणयुक्त दिवा खाजाको व्यवस्थापन नगरपालिकाले गरेको छ,' उनले भने । विद्यालय व्यवस्थापन समितिका अध्यक्ष रिमालले यो सहयोगले शिक्षा क्षेत्रको उन्नयनमा इँटा थप्ने काम गरेको बताए ।
सहयोगी संस्थाहरूको प्रयासलाई सकारात्मकरूपमा मूल्यांकन गर्दै सहकार्यलाई निरन्तरता दिनुपर्नेमा उनले जोड दिए । चन्द्रागिरि-१ का वडाध्यक्ष राना मगरले यस्तो सहयोगले विद्यालयको शैक्षिक गुणस्तर बढाउन योगदान पुग्ने बताए । सहयोग कार्यक्रमले शिक्षामा पहुँच र बालबालिकाको आत्मबल अभिवृद्धिमा योगदान पुऱ्याउने विश्वाससमेत उनले व्यक्त गरे ।
