काठमाडौं— राष्ट्रिय सहकारी नियमन प्राविधिकरणले सोमबार आफ्नो कार्यलयको समुद्घाटन गरेको छ । ललितपुरको पुल्चोकस्थित राष्ट्रिय सहकारी विकास बोर्ड कार्यालय भवनमा भूमि व्यवस्था सहकारी तथा गरिबी निवारण मन्त्री बलराम अधिकारीको उपस्थितिमा राष्ट्रिय सहकारी नियमन प्राविधिकरणको आफ्नो कार्यलयको समुद्घाटन गरेको हो ।
मन्त्री अधिकारीले कार्यक्रममा बोल्दै भने,‘कतिपय समस्या बुझाइको कमिले सहकारीमा उत्पन्न भएको हो’ । पहिले हल्लै हल्लामा अघि बढेको र अहिले माग र आवश्यकताअनुसार अघि बढ्नु पर्ने उनको भनाई छ । त्यसैगरी उनले कर्मचारी नियुक्तिमा पुराना र नयाँ दुवैलाई महत्व दिने बताएका छन् । उनकाअनुसार नयाँ कर्मचारीमा ऊर्जा र पुराना कर्मचारीमा अनुभव हुने भएकाले दुवै महत्वपूर्ण हुनेछ । प्राविधिकरणले सुचना केन्द्र खोल्ने, कोषको स्थापना गर्ने, सबैलाई न्यायीकरण गर्ने, सहकारी ठगको अन्त्य गर्ने, ऐनको मुख्य कारोबार ३० प्रतिशतको छ त्यसलाई ५० प्रतिशत बनाउने, समस्या ग्रस्त क्षेत्रमा परेका सहकारीहरुलाई समाधानतर्फ लैजाने र यसको लागि आजै कार्य समिति बनाएर कार्यभार समाल्ने मन्त्री अधिकारीले बताए ।
उनले भने, “ऐनमा दुई कार्यकाल रहने व्यवस्था भएकाले काम गर्दै जानु सरकारले अधिकार प्रदान गर्ने छ । त्यसैले राष्ट्रको निम्ति र जनताको निम्ति सरकारले ल्याएको नीति कँहा र कसरी कार्यान्यन गर्ने भन्ने कुरा थाहा पाउनु आवश्यक छ । नेपाली जनतामा भएको ऊर्जा यो सरकारले बुझेको छ । त्यसैले नमिलेका ऐन, कानुन र नियमको संसोधन गरी दुई वर्षभित्र कार्यान्यन गर्ने छ । त्यसका लागि सबै कार्य सहज रुपमा गर्ने उद्देश्य अध्यायदेश मार्पmत ल्याएका छौं ।”
त्यसैगरी भूमि व्यवस्थापन तथा गरिबी निवारण समितिका अध्ययक्ष अर्जुनप्रसाद पोख्रेलले भने,‘ अध्यायदेशमार्पmत राखेका उद्देश्य पुरा गर्ने प्राविधिकरण पूर्ण भएको छ ।’ त्यसैले अर्थमा देखिएको समस्याबाट डराउने होइन, सहज बनाउदै जाने उनी बताउँछन । उनले भने,“सहकारीको विकल्प छैन, त्यसकारण यो क्षेत्रमा देखिएको समस्या समाधान गर्ने हो, यो क्षेत्र चाहिँदैन भन्ने होइन । त्यसैले मुलुकभरी छरिएर रहेको जनताको पूँजी संकलन गरी देश विकास गर्ने र जनतालाई आफ्नो पूँजी सुरक्षित छ भन्ने विश्वास दिलाउने छौँ । त्यसका लागि आवश्यकता अनुसार सहकारी संथाहरुलाई नजिकबाट नियाली कार्य गर्ने छौँ । साथै भूमि र गरिबी निवारण सम्बन्धीका बारेमा छिट्टै ऐन ल्याउने छौँ ।”
सहकारी मन्त्रालयका उपसचिव टोलराज उपाध्यायका अनुसार यो संस्था सहकारीमा उत्पन्न भएको समस्या समाधान गर्ने उद्देश्यले खोलिएको बताए । उनले भने,“देश भरी रहेका सहकारी संस्थामध्ये समस्या देखिएका संस्थाहरुको समाधान गरी आर्थिक समृद्धि हुने अपेक्षा राखेका छौँ । त्यसैगरी सहकारी बचत तथा ऋण निवारणका अध्यक्ष चन्द्रप्रकाश ढकालले बचत ऋण तथा सहकारी स्वदेशी तथा विदेशीको साझेदारीमा प्राविधिकरणले गर्ने बताए । उनले भने,“साझेदारीमा कार्य गर्नका लागि प्राविधिकरणमा लेखिएका ऐनको कार्यन्वयनमा सरकार नहिचकिचाउनु पर्ने छ ।”
त्यसैगरी राष्ट्रिय सहकारी विकास लिमिटेडकी महासचिव ओम देवी मल्लले २०७४को ऐन कार्यान्यन नभएपछि नयाँ ऐन पारित गरी प्राविधिकरणको स्थापना गरेको बताएकी छिन् । उनी भनिन्,“डिभिजन कार्यालय खारेजी भएकाले समस्या आएको हो । यसरी समस्या आउन नदिन अहिले बनेकोे ऐन संघदेखि स्थानीय तहसम्म कार्यान्यन हुनुपर्छ ।”
