काठमाडौं - गायक दिपेश विष्टको नयाँ गीत 'कोइली वनैमा' सार्वजनिक भएको छ । डम्बर विश्वकर्माको रचनामा तयार भएको गीतमा दिपेश विष्ट र शान्ति श्री परियारको सुमधुर आवाज रहेको छ भने यस गीतलाई लय युस्कल छिनालले गरेका छन् ।
त्यसैगरी संगीत संयोजन राजेन्द्र बाजुरालीले गरेका छन् । मायाप्रेममा आधारित यस गीतमा विशेषगरी गाउँघरमा केटाकेटी विच बसेको मायाप्रेमलाई मुख्य कथावस्तु बनाइएको छ । गीतमा केटाले आफुले मनपराएको केटीलाई तिम्रो मनमा म भएपनि नभएपनि तिमि भने मेरो मनमा सधै भरी रहिरहनेछौ भन्ने कुरा देखाउन खोजिएको छ ।
त्यसैगरी केटिले म कति माया गर्छु भन्ने कुरा देखाउन मिल्दैन त्यो त मेरो मनलाई थाहा छ भन्ने जस्ता कुरा गीतका शब्द मार्फत देखाउन खोजिएको छ । लामो समय नेपाली गीतसंगीतमा लागेका गायक दिपेश विष्ट भन्छन्, 'आफुले गरेका सबै गीत उत्तिकै राम्रा लाग्छन अझ यो गीतमा मैले मात्र हैन हाम्रो सम्पूर्ण टिमले नै धेरै मेहनत गरेर तयार पारेका छौँ । त्यसैले पनि यो गीत हाम्रो तर्फबाट उत्कृष्ट लागेकाे छ। '
' युट्युवमा हालेदेखीनै यस गीतलाई धेरैले मन पराईदिनुभएको छ । मलाई कस्तो लाग्ने भन्दा पनि दर्शकले कस्तो मान्नुहुन्छ तेसले भर पार्ने हो गीत राम्रो नराम्रो भन्ने सबै जिम्मा अब हामीले दर्शकको हातमा छोडि दिएका छौँ । उहाँहरुको प्रतिक्रिया अहिले सम्म राम्रो आएको छ ' उनले भने ।
गीतको म्यूजिक भिडियोलाई निर्देशक विनोद भण्डारीले गरेका छन् भने गीतको मुख्य भूमिकामा पनि भण्डारी आफै रहेका छन् साथमा उनलाई जुना विश्वकर्माले साथ दिएकी छन् । मालाश्री स्टुडियोमा रेकडिङ गरिएको यस गीतको म्यूजिक भिडियोको सम्पादन भने मनोज कार्कीले गरेका छन् । यो गीत दिपेश विष्ट अफिसियल युट्युव च्यानलमार्फत सार्वजनिक भएको छ ।
-1745656903.jpeg)