काठमाडाैं - वरिष्ठ गीतकार एवं एआइजी टेक तामाङको शब्द रचनामा सिर्जित नयाँ गीत ‘एउटा जून’ सार्वजनिक भएको छ । सुव्रत आचार्यद्वारा निर्देशित ‘एउटा जून’ गीतकाे भिडियो शुक्रबार प्रह्लाद तिमल्सिना स्वरमा उनकाे प्रह्लाद तिमल्सिना अफिसियल युटुबबाट सार्वजनिक गरेकाे हाे ।
उक्त गीतमा वरिष्ठ संगीतकार आलोकश्रीले संगीत दिएका छन् । नरेन्द्र वियोगीले भने साे गीतमा संगीत संयोजन गरेका छन् ।
भिडियोमा ऋचा थापा तथा प्रभात ठकुरीको अभिनय देख्न सकिन्छ । उत्सव दाहालद्वारा छायाङ्कन गरिएको यो भिडियोमा विष्णु खड्काले सम्पादन तथा कलर करेक्सन गरेका छन् ।
यस गीतले प्रेम, समर्पण र जीवनको सुन्दरतालाई विशेष महत्त्व दिएकाे देखाएका छ । गीतको भावमा आकाशको जूनसँगै आफ्नो प्रेमीलाई तुलना गरेका छन् ।
यो गीतको भिडियोमा प्राकृतिक दृश्यहरू, प्यारो सम्बन्धको क्षणहरू र जीवनका विभिन्न रङ्गहरूको झल्को देखाइएको छ।
