काठमाडौं - सुनको मूल्यले नयाँ उचाइ कायम गरेको छ । केहि दिनदेखि बढ्दै गरेको सुनको मूल्यले आज नयाँ उचाइ कायम गरेको हो । मंगलबार छापावाल सुनको मूल्य ३ सय रूपैयाँले बढेको छ ।
सोमबार, छापावाल सुनको मूल्य प्रतितोला १ लाख १७ हजार ४ सय रुपैयाँ कायम भएकोमा आज ३ सय रूपैयाँले बढेर १ लाख १७ हजार ७ सय रूपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुनको मूल्य प्रतितोला १ लाख १७ हजार १५० रुपैयाँ कायम भएको छ । त्यसैगरी, सोमबार चाँदीको मूल्य प्रतितोला १५ सय रुपैयाँ कायम भएकोमा आज पनि सोहि मूल्य कायम भएको छ ।
