काठमाडौं- गायक सुरेश लामा र गायिका रचना रिमालको युगल गायनमा रहेको 'अल्झिएको हुन्छु म बोल' को म्युजिक भिडियो सार्वजनिक भएको छ । म्युजिक भिडियोमा कैलाश न्यौपाने र क्रिष्टिना अनुकाे रोमाण्टिक भर्सनमा सार्वजनिक भएको हाे ।
यस गीतमा शब्द बिष्णुबाबु देवकोटाको रहेको छ। टिका दहालले संगीतवद्द गरेको यस गीतमा राहुल प्रधानको संगीत संयोजन रहेको छ। कैलाश र क्रिष्टिनाले यसै भिडियोमार्फत मोडलिङमाडेब्यु गरेका हुन्। उनीहरुबीचको अन्स्क्रिन प्रेम र रोमान्स देख्न सकिन्छ।
अस्ट्रेलियाको विभिन्न रमणीय ठाउँहरुमा छायाँकन गरिएको गीतको भिडियोलाई सुरज पाण्डेले खिचेका हुन्। भिडियोलाई दिन्सन शाहले सम्पादन गरेका छन्। भिम न्यौपानेको निर्देशनमासाे भिडियो तयार पारिएको छ ।
न्यौपाने निर्देशित यो पहिलो म्युजिक भिडियो हो। व्यवसायी, फिल्म निर्माता एवम कलाकार समेत रहेका न्यौपानेले यसअघि चलचित्र निर्माण तथा म्युजिक भिडियोमा अभिनय गरिसकेका छन्।
बुद्ध ट्राभल एण्ड टुरको निर्माण सहयोग रहेको भिडियोलाई बिजी इन्टरटेन्मेण्टु नामक युट्युव च्यानलमार्फत सार्वजनिक गरिएको हो। निर्माण टिमले म्युजिक भिडियोलाई हेरेर सुनेर प्रतिक्रिया दिन सबैलाई आग्रह गरेको छ।
