काठमाडौं– शिक्षा, विज्ञान तथा प्रविधिमन्त्री अशोक राईले सरकारले राष्ट्रिय शिक्षा दिवसलाई निरन्तरता दिने बताएका छन् ।
आइतबार बसेको राष्ट्रिय शिक्षा दिवस समितिको बैठकमा उनले ४ वर्षदेखि अवरोध भएको दिवस असोज २ गते भव्य रुपमा मनाएर राष्ट्रिय शिक्षा दिवसलाई निरन्तरता दिने बताएका हुन् ।
उनले भने,‘राष्ट्रिय शिक्षा दिवस ४ वर्षदेखि अवरोध भएको अवस्था छ । त्यसको बाटो अब खुलेको छ । अब आउने असोज २ लाई विशेष उत्साहका साथमा मनाउनका निम्ति प्रयत्न गर्ने छौं ।’
उनले शिक्षा दिवसलाई भव्यतापूर्वक मात्र नभई शिक्षालाई उपलब्धिमूलक र परिणाममुखी बनाउने प्रतिवद्धता जनाए ।
