नवलपरासी - नवलपरासीमा मोटरसाइकल दुर्घटना भएको छ । आइतबार दिउँसो साढे १ बजे सरावल गाउँपालिका- ५ धनगढवास्थित भित्री सडक खण्डमा मोटरसाइकल दुर्घटना भएको हो ।
पश्चिमबाट पूर्वतर्फ आँउदै गरेको डीएल १५ एजी ०२६१ नम्बरको मोटरसाइकल अनियन्त्रित भई बिजुलीको पोलमा ठोक्किएको प्रहरीले जनाएको छ । दुर्घटनामा मोटरसाइकल चालक भारत उत्तर प्रदेश महाराजगंजस्थित तुर्किया बस्ने अन्दाजी २९ वर्षीय ज्ञानेश्वर तिवारी गम्भीर घाइते भएका छन् ।
टाउकोमा चोट लागेर बोल्न नसक्ने अवस्थामा रहेका तिवारीलाई उपचारको लागी जिल्ला अस्पताल परासी हुँदै थप उपचारका लागि मेडिकल कलेज भैरहवा पठाईएको जिल्ला प्रहरी कार्यालय नवलपरासीका प्रहरी नायब उपरीक्षक एवम् सूचना अधिकारी भोजराज पाण्डेले जानकारी दिए ।
अहिले घटनास्थलमा प्र.ना.नि. गोकर्ण चौहानको कमाण्डमा ३ जनाको टोली खटिगएको छ मोटरसाइकललाई प्रहरीले नियन्त्रणमा लिई आवश्यक अनुसन्धान अगाडि बढाइएको डीएसपी पाण्डेले बताएका छन् ।
प्रकाशित मिति: आइतबार, वैशाख ३, २०८० १७:११
-1752335779.jpg)
