एजेन्सी– अबुधाबीको राजपरिवारको कर्मचारी भएको बहाना गर्दै एक व्यक्तिले दिल्लीको एक विलासी होटलमा चार महिनासम्म बसेपछि २३ लाख रुपैयाँको बिल नबुझाई फरार भएका छन् ।
दिल्ली पुलिसले शनिबार लीला प्यालेस होटल व्यवस्थापनको उजुरीमा मोहम्मद शरीफलाई ठगी र चोरीको आरोपमा प्रकाउ गर्न खोजिरहेका छन् ।
शरीफले अगस्ट १ मा लीला प्यालेसको ४२७ कोठामा चेक इन गरेका थिए भने नोभेम्बर २० मा उनी होटलबाट चेक आउट भएका हुन् । होटलका कर्मचारीले उनले कोठाबाट चाँदीका भाँडा र मोतीको ट्रे सहित धेरै वस्तुहरू चोरेको दाबी गरेका छन्।
अगस्टमा होटलमा पुगेपछि सरिफले कर्मचारीलाई आफू युएईको बासिन्दा भएको र अबु धाबी शाही परिवारका शेख फलाह बिन जायद अल नाह्यानसँग नजिकबाट काम गरेको बताएका थिए।
उनले शेखसँग व्यक्तिगत रूपमा काम गरेको र आधिकारिक कामका लागि भारतमा रहेको समेत बताएका थिए । उनले व्यवसाय कार्ड, युएई निवासी कार्ड र अन्य कागजातहरू होटलमा देखाएका थिए। प्रहरीले ती कागजात नक्कली भएको आशंकामा जाँच गरिरहेको छ ।
उनको चार महिना बसेको कोठा र सेवाको बिल ३५ लाख रुपैयाँ थियो । उनले जम्मा ११।५ लाख रुपैयाँ मात्र तिरेर बाँकी नतिरि होटल छाडेर गएका छन् । होटलबाट भागेको दिन उनले नोभेम्बर २० गते कर्मचारीलाई २० लाख रुपैयाँको चेक दिएका थिए ।
दिल्ली पुलिसले ती व्यक्तिको पहिचान गर्न सीसीटीभी क्यामेरा स्क्यान गरिरहेको छ।
