काठमाडौं- एनसेलले कनेक्टेड भेइकल सर्भिस उपलब्ध गराउनका लागि नेपालका लागि विवाइडी अटो इन्डस्ट्री कम्पनी लिमिटेडको आधिकारिक वितरक साइमेक्स इन्कसँग साझेदारी गरेको छ । यो साझेदारीसँगै अव नेपालमा विक्री हुने विवाइडीका प्रत्येक सवारी साधनमा एनसेलको इन्टरनेट अफ बिड्स (आईओटी) सिम जडित हुनेछन् जसवाट ग्राहकहरूलाई अझ सहज र डिजिटल्ली कनेक्टेड ड्राइभिङ अनुभव प्राप्त गर्न सक्नेछन् ।
यस सहकार्यले नेपालमा आईओटी नवप्रवर्तनको क्षेत्रमा एनसेलको अग्रणी स्थानलाई थप सुदृढ बनाएको छ। यसलाई अवलम्बन गर्दै, एनसेलले विभिन्न क्षेत्रमा कनेक्टेड प्रविधिको प्रयोगलाई थप प्रवर्द्धन गर्ने प्रतिवद्धतालाई निरन्तरता दिएको छ। आईओटी सिम जडित भएपछि गाडीमा अन्य कुनै उपकरणको प्रयोग विनै इन-भेइकल इन्टरनेट कनेक्टिभिटीको सेवा उपलब्ध हुन्छ, जसले विवाइडी एप इकोसिस्टम र कनेक्टेड इन्फोटेनमेन्ट सुविधाहरूलाई सपोर्ट गर्छ।
प्रयोगकर्ताहरूले फोन कनेक्ट नगरी वा वाई-फाई हटस्पटमा निर्भर नभई सवारी साधनको सिस्टमबाटै युट्युव, स्पोटिफाइ, काराओके लगायतका अनलाइन सेवा र डिजिटल मनोरञ्जन लिन सक्नेछन् । 'आईओटी सेवासम्बन्धि यो साझेदारीले विवाइडी सवारी साधनहरूमा स्मार्ट कनेक्टिभिटी, इन्फोटेनमेन्ट, सुरक्षा र इन्टेलिजेन्ट मोबिलिटीको सुविधा दिन्छ, जसले गर्दा ग्राहकहरूले आईओटी सोलुसन्स मार्फत अझ सहज र सुविधाजनक कनेक्टेड ड्राइभिङ अनुभव लिन सक्छन्,' एनसेलका चिफ कन्ज्यूमर विजनेस अफिसर उपांग दत्ताले काठमाडौंमा आयोजित सम्झौता हस्ताक्षर कार्यक्रमका क्रममा भने ।
एनसेलसँगको साझेदारीप्रति उत्साह व्यक्त गर्दै साइमेक्स इन्कका प्रमुख कार्यकारी अधिकृत साहिल श्रेष्ठले भने, 'विवाइडी सधैं प्राविधिक नवप्रवर्तनको अग्रपङ्क्तिमा रहेको छ । एनसेलसँग सहकार्य गरेर हामी हाम्रा ग्राहकहरूको अनुभवलाई अझ उन्नत बनाउने अर्को महत्वपूर्ण कदम चालिरहेका छौं। भरपदों इन-भेइकल कनेक्टिभिटीले हाम्रा प्रयोगकर्ताहरूलाई विवाइडी सवारी साधनका इन्टेलिजेन्ट सुविधाहरू पूर्ण रूपमा अनुभव गर्न सहजीकरण गर्दछ ।'
