काठमाडाैं - श्रम रोजगार तथा सामाजिक सुरक्षा मन्त्रालयले श्रम स्वीकृति पुन: खुल्ला गरेकाे छ । मध्यपूर्व एसियामा अमेरिका, इजरायल र इरान बीचको युद्धका बीच बन्द गरिएको श्रम स्वीकृति मंगलबार एक विज्ञप्ति जारी गरी पुन: खुलाएकाे श्रम रोजगार तथा सामाजिक सुरक्षा मन्त्रालयले जनाएकाे हाे ।
मिति २०८२/११ /१७ गते मन्त्रालयको निर्णयानुसार मध्यपूर्वका देशहरूमा विकसित विषम परिस्थिति, श्रमिकहरूको सुरक्षा संवेदनशीलतालाई मध्यनजर गर्दै साउदी अरेबिया, युएई, कतार, कुवेत, बहराइन ,ओमान, इराक, एमन, जोर्डन, लेबनान, टर्की इजरायल सहित मध्यपूर्वका देशहरूका लागि व्यक्तिगत र संस्थागत श्रम स्वीकृति स्थगन गरिएको थियो।
सो सम्बन्धमा सम्बन्धित देशका गैर आवासीय नेपाली सङ्घ, दुताबासहरू लगायत श्रम स्वीकृति समाप्त भएर पुन नवीकरण गर्न नपाएका श्रमिकहरूले समेत पुन:श्रम स्वीकृति प्रदान गर्ने विषयमा विभिन्न माध्यमबाट पुन:श्रम स्वीकृति खुलाइ पाउनका लागि माग गरेक ा थिए । परराष्ट्र मन्त्रालय र वैदेशिक रोजगार विभागले मिति २०८२ /१२ / ३ गते मन्त्रालयको निर्णयानुसार स्थगन भएका मुलुकहरू बाहेकका साउदी अरेबिया, युएई, कतार, ओमान, यमन, जोर्डन र टर्की गरी जम्मा सात (७) देशका लागि पुन:श्रम स्वीकृति खुल्ला गर्ने निर्णय गरेको हाे ।
