काठमाडाैं - नेपालमा साइबर अपराध र ठगीको बढ्दो क्रममा फागुन महिनामा लगभग २०० साइबर अपराध र ठगीका उजुरीहरू परेका प्रहरीले जनाएकाे छ।काठमाडाैंबाट फागुनमा मात्र १९९ वटा साइबर अपराध र ठगीका उजुरीहरू परेका प्रहरीले जनाएकाे हाे ।
वर्तमान समयमा साइबर अपराध र अनलाइन ठगीको ग्राफ उकालो लागेको विवरणले देखाउँछ।यसमा मुख्यतया:सबैभन्दा भयावह अवस्था अनलाइनमा सामान खरिद गर्दा हुने ठगीको देखिएको छ, जसका सम्बन्धमा ११७ वटा निवेदन परेका छन्। त्यसैगरी, प्रविधिको दुरुपयोग गरी मोबाइल हराई रकम चोरी भएको ९ वटा, चिठ्ठा परेको भनि ठगी गरिएको ७ वटा, र OTP माग गरी ठगी गरिएको ७ वटा उजुरीहरू प्राप्त भएका छन्।
प्रहरीका अनुसार रकम डबल हुन्छ भनि ठगी र कोठा खोज्दा ठगी गरिएका घटनामा समान ६-६ वटा निवेदन परेका छन्। त्यस्तै, पार्सल पठाई कर तिर्ने बाहानामा, वैदेशिक रोजगारीको प्रलोभनमा, बैंक खातामा अनधिकृत पहुँच पुर्याई रकम चोरी, टेलिग्राम वा अनलाइन टास्क र चरित्र हत्या जस्ता साइबर अपराधका शीर्षकमा पनि प्रहरीमा उजुरी पुगेका छन्।
यसका अतिरिक्त भुलबस अन्य खातामा रकम गएको, अनलाइन जब (Job) लगाइदिन्छु भनि ठगी र अन्य विविध २१ वटा घटनाहरू पनि दर्ता भएका छन्, जसले साइबर सुरक्षामा सतर्कता अपनाउनुपर्ने आवश्यकतालाई प्रस्ट पारेको छ ।
