काठमाडौं- नेपालमा पछिल्लो समय सामाजिक सञ्जाल फेसबुक प्रोफइल तथा पेज मनिटइज गरी पैसा कमाउने भय पछि 'पेज बुस्ट' गरि भ्युज बढाइ दिने बहानामा ठगी बढेकाे छ । अनलाइनमार्फत रकम असुलेर ठगी गर्ने गिरोह सक्रिय भएको पाइएको हाे।
अनलाइनमार्फत ठगीका घटनाहरूमा वृद्धि भएसँगै ठगीबाट बच्न जिल्ला प्रहरी परिसर काठमाडौंले सर्वसाधारणका लागि सचेत रहन आग्रह गरेको छ।
ठगीको शैली
प्रहरीका अनुसार ठगहरूले सुरुमा फेसबुक पेज वा पोस्ट बुस्ट गरी लाइक भ्युज बढाइदिने भन्दै विज्ञापन गर्छन्। सेवाग्राहीले विश्वास गरेर अनलाइन माध्यमबाट पैसा भुक्तानी गरेपछि, रकम प्राप्त हुनासाथै ठगहरूले सम्बन्धित व्यक्तिलाई ब्लक गरि ठगी गर्ने गरेका छन्। यस्ता गतिविधिबाट धेरै सामाजिक सञ्जाल फेसबुक प्रयोगकर्ताहरू आर्थिक ठगीको निशनामा परिरहेका छन्।
यस प्रकारको ठगीमा विशेषगरी कनटेन्ट मनिटाइज भएका प्रयोगकर्ता र साना व्यवसाय गर्दै आएका व्यवसायी पर्ने गरेका छन।फेसबूक आम्दानीका लागी निश्चित भ्युज को संख्या दिएको हुन्छ त्यसलाई पुरा गर्न क्रिएटरहरु बुस्ट को साहरा लिन ठगहरुको सम्पर्कमा पुगेको प्रहरीकाे भनाई छ ।
नेपाल राष्ट्र बैंकले सर्वसाधारणलाई एक वर्षमा अधिकतम ५ सय डलर खर्चको सिमा तोकेको छ । त्यसपछि प्रयोगकर्ताहरु तेस्रो पक्षीय साहारा लिन खोज्दा ठगको फन्दामा परेको प्रहरीले जनाएकाे छ ।
प्रहरीको सुझाव र सावधानीका उपाय
जिल्ला प्रहरी परिसर काठमाडौंले यस्ता ठगीबाट विशेष ध्यान दिन अपिल गरेको छ। अपरिचितलाई विश्वास नगर्न र कुनै पनि अपरिचित व्यक्ति वा आधिकारिकता नभएका पेजहरूलाई रकम नपठाउन आग्रह गरेको छ। यदि रकम पठाउनै पर्ने अवस्था आएमा, सम्बन्धित व्यक्तिको पहिचान, आवश्यक प्रमाण र विश्वसनीयता सुनिश्चित गरेर मात्र कारोबार गर्न अनुरोध गरेको छ।
अनलाइन कारोबार गर्दा सधैं सतर्क रहनु नै ठगीबाट बच्ने उत्तम उपाय हो भन्दै जिल्ला प्रहरी परिसर काठमाडौं सजगता अपनाउन अनुरोध गरेको छ। यदी यस्ता कुनै पनि शंकास्पद गतिविधि वा ठगीको सिकार भएमा तुरुन्त प्रहरीलाई सम्पर्क गर्न अनुरोध गरिएको छ।
