एएफपी- अराकान रोहिंग्या साल्भेशन आर्मी ९एआरएसए० लडाकु समूहका ५३ जना सदस्यलाई आफ्नो क्षेत्रमा प्रवेश गरेको आरोपमा पक्राउ गरे पछि बंगलादेशले म्यानमा सीमामा “उच्च सतर्कता“ जारी गरेको ढाकाका अधिकारीहरूले सोमबार बताएका छन् ।
दश लाख भन्दा बढी रोहिंग्या शरणार्थी रहेको बंगलादेशको कोक्स बजारमा बन्दुकको गोली लाग्दा १२ वर्षीया बालिकासहित दुई जना घाइते भएको जनाइएको छ । अतिक्रमण गर्ने ५३ जनालाई हिरासतमा लिएको अर्ध सैनिक बोर्डर गार्ड बंगलादेश ९बिजिबी० का कर्नल मोइनुद्दिन अहमदले पुष्टि गर्नु भएको छ । स्थानीय प्रत्यक्षदर्शीहरूले आर्सा लडाकुहरूलाई बंगलादेशी इलाकामा प्रवेश गरेपछि हिरासतमा लिइएको बताएका छन् ।
एआरएसए म्यानमार मुस्लिम अल्पसङ्ख्यकको उत्पीडन विरुद्ध विद्रोह गर्न गठन गरिएको समुह हो जुन प्रतिद्वन्द्वी अराकान आर्मीसँग लडिरहेको छ ।म्यानमारको राखाइन राज्यको सीमापार लडाइँ जारी रहेको बंगलादेशका सैन्य अधिकारीहरूले बताएका छन् । बंगलादेशका गाउँले तथा अर्धसैनिक अधिकारीहरूका अनुसार म्यानमारका करिब एक दर्जन सीमावर्ती गाउँहरू भारी गोलीबारी, र बमबारीका कारण प्रभावित भएका छन्, भने बंगलादेश भरि बाक्लो धुवाँले भरिएको छ ।
“अहिले तिनतर्फी द्वन्द्व भइरहेको छः एआरएसएले अराकान सेनासँग लडिरहेको छ, भने सैन्य जुन्टाले हवाई आक्रमण गरिरहेको छ“, अर्धसैनिक बलका एक वरिष्ठ अधिकारीलाई उदृत गर्दै एएफपीले जनाएको छ । ढाकाले अवस्था र सम्भावित सीमा सुरक्षाका लागि सीमा नजिकका गाउँहरूमा आफ्ना सहयोगी जेन्सीहरू तैनाथ गरेको बताएको छ ।
