भारत - भारतको गोवास्थित एउटा नाइटक्लबमा शनिवार राति भएको आगलागीमा परी मृत्यु हुने २५ जनामध्ये चार जना नेपाली नागरिक भएको भारतस्थित नेपाली राजदूत शङ्कर शर्माले पुष्टि गरेका छन्।
सामाजिक सञ्जालमा एउटा पोस्ट लेख्दै शर्माले मृतकका परिवारजनप्रति समवेदना व्यक्त गर्दै नेपालमा भएका मृतकका परिवारलाई सम्पर्क गर्ने प्रयास भइरहेको पनि जनाएका छन्।
भारतीय सञ्चारमाध्यमका अनुसार उक्त घटनामा ज्यान गुमाउनेमध्ये अधिकांश व्यक्ति नाइटक्लबका कर्मचारी हुन्। तीमध्ये चार नेपाली पनि भएको हिन्दुस्तान टाइम्सले जनाएको छ।
स्थानीय अधिकारीहरूका अनुसार आगलागीमा परी घाइते भएकाहरूको स्थानीय अस्पतालमा उपचार हुँदै छ।
