सुनसरी– इटहरी उपमहानगरपालिका–१ स्थित राष्ट्रिय माध्यमिक विद्यालयले ७०औँ वार्षिकोत्सवका अवसरमा ९५ जना विद्यार्थीलाई छात्रवृत्ति प्रदान गरेको छ । बालविकासदेखि कक्षा १२ सम्मका उत्कृष्ट विद्यार्थीलाई छात्रवृत्ति प्रदान गरिएकोे हो ।
विद्यालयले उत्कृष्ट काम गरेबापत सावित्रा श्रेष्ठ, इन्दिरा थापा, कुमारी भारत रोशना नेपाल, वन्दना दाहाल, अन्तिम राई, लोकबहादुर भण्डारी, भूपराज पुरी र लक्ष्मण घिमिरेलाई नगदसहित सम्मान गरेको छ । वार्षिकोत्सवका अवसरमा विद्यालयको भौतिक पूर्वाधार निर्माणमा सहयोग गर्ने नौ जनालाई मरणोपरान्त सम्मान गरिएको छ ।
विद्यालयले यस वर्षदेखि ‘टिचर अफ द इयर’ र ‘स्टुडेन्ट अफ द इयर’ घोषणा गरेकामा शिक्षकतर्फ युवराज काफ्ले र विद्यार्थीतर्फ कक्षा ९ का कृष्ण खनाल उत्कृष्ट घोषित भएका थिए । वार्षिकत्सवका अवसरमा विद्यालयको वार्षिक पनि प्रस्तुत गरिएको थियो ।
भूतपूर्व विद्यार्थीद्वारा प्रदान गरिएकोलरु २० लाखबाट सभाहल निर्माण गरिने भएको छ । त्यसको शिलान्यास कोशी प्रदेशका पर्यटन, वन तथा वातावरणमन्त्री सदानन्द मण्डलले गरेका छन् ।
