काठमाडाैं - जिल्ला प्रहरी कार्यालय रुपन्देहीले भन्सार छली चोरी निकासी/ पैठारी गरेको अवस्थामा सामान जफत गरेकाे छ । जिल्ला प्रहरी कार्यालय रुपन्देहीबाट खटिएको प्रहरी टोलीले साेमबार भन्सार छली चोरी निकासी/ पैठारी गरेको अवस्थामा ११ लाख बराबरको सामान जफत गरेकाे हाे ।
रुपन्देही जिल्लाकाे ओमसतिया गाउँपालिका वडा नं. ४ बालापुर स्थितमा चेकजाच गर्ने क्रममा भारतबाट नेपाल तर्फ अबैध रुपमा भन्सार छली चोरी निकासी/ पैठारी गरेको अवस्थामा अन्दाजी मुल्य रु. ११,५१,८००।- बराबरको निम्नानुसारको सामानहरु बरामद गरेकाे छ ।
आइफाेन ३० थान, जुता ७० जोर,चकलेट ८ कार्टुन, बुकि पेपर ४ बोरा, ताजा फुल तथा फुलका बिरुवाहरु ७० के.जि. बरामत गरेकाे छ । आवश्यक कारवाहीको लागि भैरहवा भन्सार कार्यालय बेलहिया रुपन्देहीमा बुझाइएको प्रहरीले जनाएकाे छ ।
