काठमाडौं - गायक खेमराज तिवारीले नेपाली नारीहरुको महान चाड हरितालिका तीजको अवसर पारेर यस वर्ष आफ्नो नयाँ कोशेलीझ झुम्काना बजारमा ल्याएका छन् ।
नेपाली सांगीतिक क्षेत्रमा छुट्टै पहिचान बनाउन सफल गायक तिवारीले 'झुम्काना ' गीतलाई एआर इन्टरटेनमेन्टको अफिसियल युटुब च्यानलबाट सार्वजनिक गरेका हुन् ।
रमेश परियारको शब्द संगित एवम् गायिका सुस्मा विश्वकर्मा र खेमराज तिवारीको सुमधुर स्वर रहेको सार्वजनिक गीतको भिडियोलाई अशोक विकले निर्देशन गरेका छन् ।
उक्त गीतको भिडियोमा अशोक विक र जुना विश्वकर्माको अभिनय देख्न सकिन्छ। सो गितको भिडियोलाई महेश महराले छायांकन र प्रबिन भट्टले सम्पादन गरेका छन् ।
गायक तिवारी बिगत ढेड दशकदेखि नेपाली सांगीतिक क्षेत्रमा सक्रिय भएर गायनसँगै अभिनयमा पनि उतिकै सक्रिय छन्।पछिल्लो समय लोक गीतमा देखिएको विकृति र सो शैली भन्दा फरक तरिकाले आफ्नो मौलिकता जोगाउन नेपाली रहनसहन संगै संस्कृतिको जगेर्ना गर्ने हिसाबले सांगीतिक क्षेत्रमा काम गर्दै आएका छन् ।
उनको ´चौबन्दीको तुना`, ´यो बैसले आतिने भएको छु`तिम्रो जवानीले,तिम्रै झल्को आउँछ , लगाएत दुई दर्जन भन्दा सफल गित हामीले हेर्न र सुन्न सक्छौँ ।
-1752335779.jpg)
