काठमाडाैं - गायक हिमाल सागरको आवाजमा रहेको 'पहिलो गीत' सार्वजनिक भएको छ। दीपक प्रसाद आचार्य 'काकु' को शब्द रचनामा गायक हिमाल सागरको आवाजमा रहेको 'पहिलो गीत' सार्वजनिक भएको हाे ।
सन्तोष सुनारको कम्पोज रहेको गीतमा सक्किगोनीकी कलाकार सुरक्षा इटानी र रोहित अधिकारीको अभिनय रहेको छ। अमेरिका स्थित व्यवसाय गर्दै आएका रोहित अधिकारीको डेब्यू म्युजिक भिडियो हो। विशेष गरी आफ्नै नेपाली गीतसंगीत र कला प्रति विशेष अभिरुचि राख्ने रोहितलाई भिडियोमा सुरक्षा ईटानीले साथ दिएकी छिन् ।
दीपक प्रसाद आचार्य 'काकु' कै निर्देशनमा तयार भएको भिडियोको सिनेम्याटोग्राफी, सम्पादन तथा रंग संयेजन पवन सुस्लिङले गरेका हुन् भने तेन्जु योञ्जनको कोरियोग्राफी रहेको छ।
