काठमाडौं - गायिका बसन्ती लामा र रमेश विक्रम रत्नको संयुक्त स्वरमा डान्सिङ गीत ‘खतरा’ बोलको गीत सार्वजनिक भएको छ । बुधबार दिपेन थापा युट्युब च्यानलमार्फत साे म्यूजिक भिडियो सार्वजनिक गरेको हो ।
सेलो र नेपाली सुगम संगीतको दुनियाँमा रमाउँदै आएकी लामाले यस पटक भने भिन्न शैलीको गीत प्रस्तुत गरेकी छिन् । लोक, सेलो तथा आधुनिक गीतमा स्वर दिँदै आएकी गायिका लामाले यस पटक डान्सिङ गीत बजारमा ल्याएकी छिन् । उक्त गीतमा गायक तथा शब्दकार रमेश विक्रम रत्नले साथ दिएका छन् ।
त्रिटल स्टिडियोमा रेकर्ड गरेको ‘खतरा’ गीतको शब्द संगीत पनि रमेश विक्रम रत्नकै रहेको छ । मिक्सिङ सुन्दर लामाले गरेको गीतमा लक्ष्यु प्रकाश मल्लाको एरेन्ज रहेको छ । गायिका लामाले संगीत साधना गर्दागर्दै दर्जनौ गीत गाइसकेकी छिन् । उनले तराना कला केन्द्र स्थापना गरी गीत, संगीत, नृत्य तथा अभिनयका कक्षाहरू समेत सञ्चालन गर्दै आएकी छिन् ।
भिडियोमा एलिना रायमाझी, दिपेन थापा, रमेश बिक्रम रत्न, जय शम्भु र बिनोद थापाको अभिनय देख्न सकिन्छ । काजिस श्रेष्ठले निर्देशन गरेको ’खतरा’ गीतको भिडियो छायांकन बुद्ध थापा र सम्पादन अमृत चापागाईंले गरेका छन् । उक्त भिडियोमा सहायक निर्देशकको रूपमा प्रशान्त मगरको भूमिका रहेको छ ।
