लाहोर -पाकिस्तानमा धुवाँका कारण हजाराैँ मानिसहरु बिरामी परेका छन् । विषाक्त खैरो धुवाँले पाकिस्तानको सांस्कृतिक राजधानी लाहोरमा दशौं हजार मानिसहरूलाई बिरामी पारेको छ ।
त्यहाँका अधिकारीहरूले धुवाँका कारण परेकाे असरले बिहीबार चार दिनका लागि स्कूल, बजार र पार्कहरू बन्द गर्न बाध्य पारेको बताएका छन् । देशको दोस्रो ठूलो सहर बारम्बार विश्वको सबैभन्दा प्रदूषित सहरको सूचीमा परेपछि यो निर्ण य आएको स्राेतले जनाएकाे हो ।
डाक्टरहरूले मानिसहरूलाई मास्क लगाउन र घरमा बस्न सल्लाह दिएका छन् । धेरैलाई खोकी र श्वासप्रश्वासमा समस्या भएको स्थानीयले बताएका छन् । लाहोरको मुख्य मेयो अस्पतालका डाक्टर सलमान काजमीले भने, "माक्स लगाउनु र घरमा बस्नु नै श्वासप्रश्वाससम्बन्धी रोगहरू, आँखामा सङ्क्रमण र छालासम्बन्धी रोगहरू भएका अस्पतालहरूमा पुग्नबाट जोगिनका लागि दुईवटा सजिलो उपायहरू हुन्।"
बिहीबार हावामा पीएम २.५ वा स–साना कणको मात्रा ४५० पुगेको छ, जसलाई खतरनाक मानिएको छ । जाडो याममा गहुँ रोप्ने सिजनको सुरुमै बालीको अवशेष जलाउनु प्रदूषणको प्रमुख कारण रहेको विज्ञहरू बताउँछन् ।
लाहोरलाई कुनै समय बगैंचाको सहर भनेर चिनिन्थ्यो, जुन १६ औं देखि १९ औं शताब्दीको मुगल युगमा सर्वव्यापी थियो। तर द्रुत सहरीकरण र बढ्दो जनसंख्या वृद्धिले शहरमा हरियालीको लागि थोरै ठाउँ मात्र बनाएकाे छ।
