दमक -'लुकी लुकी'मा साउथ इन्डियन स्टाइलको रोमान्स देख्न पाइने भएकाे छ । गायिका मेलिना राईको आवाज रहेको 'लुकी लुकी' गीतको म्युजिक भिडियोमा साउथ इन्डियन स्टाइलको रोमान्स देख्न पाइने भएकाे हाे ।
गीतकार गणेश थक्लुङको शब्द, गायक तथा संगीतकार टंक बुढाथोकीको संगीतमा टंक बुढाथोकी र गायिका मेलिना राईको आवाज रहेकाे छ ।
छायांकार तथा निर्देशकको रुपमा नाम कमाएका भुपेन्द्र तुम्बाहाङफे र मोडल परिक्षा लिम्बूद्वारा अभिनय रहेकाे छ ।दिवस गिरीको कोरीयोग्राफी रहेको भिडियोलाई मज्जाको राईले छायांकन गरेका हुन् भने सम्पादन अनिल रानाले गरेका छन् ।
सञ्जु थलङको मेकअप, किरण न्यौपानेको सहायक छायांकन र खगेन्द्र वजी लिम्बूको आर्ट प्रडक्शन रहेको भिडियो गणेश थक्लुङ र कृष्ण गुरुङको निर्माणमा बनेको हो । थैली इन्टरटेन्मेन्टको पोष्ट प्रडक्शन रहेको भिडियो थैली इन्टरटेन्मेन्टको अफिसियल युट्यूव च्यानलबाट सार्वजनिक गरिएको छ ।
