काठमाडौं - काठमाडौंमा विश्वव्यापी शान्ति महोत्सवको आयोजना सम्पन्न गरेको छ । नेपालको लुम्बिनीमा निर्माणाधीन Universal Peace Sanctuary को सहयोगमा कमलादीस्थित नेपाल प्रज्ञा प्रतिष्ठानको सुन्दर सभाकक्षमा विश्वव्यापी शान्ति महोत्सवको आयोजना बिहीबार सम्पन्न गरेको हाे ।
कार्यक्रमकाे प्रमुख आतिथ्यतामा पूर्व सम्माननीय राष्ट्रपति विद्यादेवी भण्डारी रहेकी थिइन् । यस कार्यक्रमका आयोजक श्याल्पा तेन्जिङ् रिन्पोचेले यस अभियानले शान्तिलाई युद्धको ‘फेशनेबल’ विकल्पको रूपमा प्रस्तुत गर्दै सद्भावको संस्कृति प्रवर्द्धन गर्ने उद्देश्य बोकेको यो एक विशेष पहल रहेकाे बताए ।
साँझको मुख्य आकर्षण ‘Mayadevi – The Play of Unconditional Love’ नामक नाट्य प्रस्तुति रह्यो । यो गहन प्रेम र करुणा एक मनमोहक मञ्चन थियो । यो महोत्सव युनेस्को विश्व सम्पदा क्षेत्र लुम्बिनीमा निर्माणाधीनUniversal Peace Sanctuary को लागि सहयोग र सहभागिता लागि आयोजना गरिएको थियो ।
यस Sanctuary विश्वमा मानवता माझ शान्ति प्रवर्द्धनका लागि समर्पित एक केन्द्रका रूपमा रहने जनाइएकाे छ ।कार्यक्रममा मिडिया तथा कर्पोरेट क्षेत्रका प्रभावशाली व्यक्तिहरू, सरकारका उच्चस्तरीय अधिकारीहरू, सामाजिक ख्यातिप्राप्तहरूका साथै थुप्रै सम्मानित व्यक्तित्वहरू उपस्थिति रहेकाे थियो ।
