काठमाडौं –कोरोना भाइरसको संक्रमणलाई लिएर आतंक नमच्चाउन सुझाव दिएका छन् । चीनमा पनि नियन्त्रणमा आउन थालेको र नेपालमा त्यसको संक्रमण नदेखिएको जानकारी दिइएको छ । त्यसैगरी खरिपाटी क्वारेन्टाइनमा राखिएका सबै नेपाली सुरक्षित रहेको पनि सो अबसरमा जानकारी दिइएको छ ।
कोरोना भाइरसको पछिल्लो अवस्था र स्वास्थ्य तथ पर्यटन क्षेत्रमा पारेको प्रभावबारे बिहिबार राजधानीमा आयोजित एक कार्यक्रममा स्वास्थ्य तथा जनसंख्या मन्त्रालयका सहप्रवक्ता सागर दाहालले चीनबाट ल्याइएका नेपाली कोरोना भाइरसको संक्रमणबाट मुक्त रहेको जानकारी दिए । दाहालले नेपालमा कोरोना भाइरस हालसम्म प्रवेश नगरेको दाबी समेत गरे ।
स्वास्थ्य मन्त्रालय मातहतको ‘स्वास्थ्य आपतकालीन कार्यसञ्चालन केन्द्र’का प्रमुख समेत रहेका दाहालले नेपाली विद्यार्थीहरूलाई चीनबाट नेपाल ल्याउदा नेपाली सेना, प्रहरी र बाहिरबाट पनि विशेष प्रकारको सहयोगले सम्भव भएको बताए ।
किसिमको विशेष कार्य सफलता र राष्ट्रिय जनस्वस्थ्य प्रयोगशाला पनि उच्च प्रविधिसहितको भएकोले पनि नेपालमा पूर्व–तयारी बाहिर भनेजस्तो कमजोर नरहेको पनि सहप्रबक्ता दाहालले धारणा राखे । उनले मिडियाले राम्रो भूमिका खेलेको र आगमी दिनहरूमा पनि सकारात्मक भूमिका खेल्ने आशा व्यक्त गरे ।
त्यसैगरी वरिष्ठ चिकित्सक डा.सुन्दरमणी दिक्षितले कोरोना भाइरसको सम्भावित प्रकोपमा सरकारले लापरबही गरेको बताए । उनले पूर्वतयारी फितलो भएको आरोप लगाए । विश्वभरी चिनियाँहरूलाई प्रतिबन्ध लगाएको र स्वयम् चीनले पनि आफ्ना नगरिकहरूलाई देशभन्दा बाहिर जान रोक लागाउँदा पनि नेपाल सरकारले उनिहरूलाई रोक्न नसक्नु कमजोरी हो भन्दै अगाडी भने, “चीन रिसाउँछ भनेर चिनियाँ पर्यटक नरोक्ने अनि कोरोना भाइरस संक्रमण फैलिनबाट रोक्ने सरकारका धेरै कमजोरी हुन् ।” डा.दिक्षितले चीन संकटमा परेको बेला नेपालले असल छिमेकीका रूपमा सक्दो सहयोग गर्ने र नसके कुनैपनि रूपमा उसलाई असहयोग गर्न नहुने धारणा राखे ।
त्यसैगरी चिनियाँ मिडिया ग्रुफ नेपाल प्रमुख चाङ य्वे ‘वर्षा’ ले नेपाल र विश्वको मिडियाहरूको समाचार सम्प्रेशणबारे आफूहरूले अध्ययन गर्दै आएको र बाहिर आएजस्तो त्यति धेरै संक्रमणको भयाभह अवस्था नरहेको धारण व्यक्त गरिन् । उनले आफ्नो देशमा कोरोना भाइरसका संक्रमितको संख्या घट्दै गएको र सो भइरसको संक्रमणको गति नियत्रण हुँदै गएको बताइन् ।
त्यसैगरी टे«किङ एजेन्सीज एसोसियसन अफ नेपालका अध्यक्ष खुम सुवेदीले कोरोना भाइरसले नेपाली पर्यटनमा हल्ला फिजाएजस्तो प्रभाव नपरेको बताए ।
जनस्वास्थ्यकर्मी डम्बरबहादुर रावलले विश्वभरी आतंकका रूपमा चलेको कोरोना भाइरसको सबैभन्दा बढी खतरामा नेपाल रहेकोले सरकारले आवाश्यक तयारी गर्नुपर्ने धारणा राखे ।
त्यसैगरी स्वस्थ्य विज्ञान व्यवसायी संघका अध्यक्ष नवराज बस्नेतले कोरोना जस्तो महामारी नेपालमा चल्न सक्ने सम्भावित खतरालाई मध्यनजर गरेर आवश्यक सामाग्रीहरूलाई बेलैमा सरकारले जोहो गर्नु पर्ने धारणा राखे । उनले यसमापनि सरकारका केही जिम्मेवार मनिसहरू कमिसनको बार्गेनिङमा लाग्न थालेको पनि आरोप लगाए ।
