दोहा- गैर आवसीय नेपाली संघ (एनआरएनए) कतारको अध्यक्षमा आगामी २०२३-२५ कार्यकालको लागि दुई जनाले उम्मेदवारी घोषणा गरेका छन् ।
गैर आवसीय नेपाली संघ , कतारको अध्यक्षमा जैबी राई चाम्लिङ र अब्दुल रहमानले उम्मेदवारी घोषणा गरेका छन् ।
विगत लामो समय देखि कतारमा कार्यरत रहेका चाम्लिङ विभिन्न सामाजिक कार्यक्रममा सक्रिय रहेका चाम्लिङले एनआरएनए कतारको अध्यक्षमा आफ्नो उम्मेदवारी घोषणा गरेका हुन् ।
सामाजिक क्षेत्रमा आफूले आर्जन गरेको अनुभवको आधारमा अध्यक्षमा उम्मेदवारी घोषणा गरेको बताए । २००३ मा स्थापना भएको यस सामाजिक सस्थामा सन २०१२ देखि निरन्तर नेपालीका लागि नेपाली भन्ने श्लोकगनलाई आत्मासात गरि यस सामाजिक अभियानमा निरन्तर रहेको र एनआरएनए एनसीसी कतारका बर्तमान प्रथम उपाध्यक्षको महत्त्वपूर्ण जिम्मेवारी निर्वाह गरिरहेका छन्।
कतारमा स्थापित विभिन्न सामाजिक संस्थाको नेतृत्व समेत गरिसकेका चाम्लिङ सामाजिक सहकार्य आर्थिक पारदर्शिता मजदुरमैत्री एनआरएनए अभियान मेरो प्रतिबद्धताका साथमा आगामी २०२३-२५ कार्यकालका लागि अध्यक्ष पदका लागि उम्मेद्वार घोषणा गरेको उनले बताएका छन् ।
यसैगरी सुनसरी जिल्लामा जन्मिएर करिब १७ वर्षदेखि कतारलाई कर्म थलो बनाएका रहमान कतारको एक सरकारी कार्यालयमा कार्यरत रहमानले पनि आफ्नो उम्मेदवारी घोषणा गरेका हुन् । १७ वर्षको समय अवधिमा मैले अनेकन नेपाली श्रमिकको समस्या देख्दै आइरहेको र उत्पन्न समस्याहरुको हल खोज्दै विभिन्न संघ संस्था निकायसंग समन्वय गर्दै आइरहेको उनले बताए ।
एनआरएनए कतारको सचिवमा भने एकराज कटवाल (दिनेश) ले उम्मेदवारी दिने भएका छन् । हाल राष्ट्रिय समन्वय परिषद् कतारका सदस्य रहेका कटुवालले सन् २०२३–२०२५ कार्यकालको लागि भने सचिव पदमा उम्मेदवारी घोषणा गरेका हुन् ।
कटवाल सन् २०१३ देखि कतारमा श्रमिकका रूपमा कार्यरत हुँदै नेपाली श्रमिकहरुको हकहितको कार्यमा सक्रिय हुँदै आएका छन् । कतारमा स्थापित सामाजिक संघसंस्थासँग सहकार्य श्रमिकहरुको हकहितमा थप सक्रियताका साथ लाग्ने प्रतिबद्धताका साथ आफूले उम्मेदवारी घोषणा गरेको उनले बताए । संघको निर्वाचन २१ जुलाई तथा दशौं महाधिवेशन २८ जुलाईमा हुने भएकाे छ ।
