वामी–मुसिकोट नगरपालिका–७ वामीले विहिबार जेष्ठ नागरीक सम्मान तथा कृषक परिचय पत्र वितरण गरेको छ । नगरपालिकाको विन्योजित २ लाख २५ हजार रकमबाट ८० वर्ष उमेर पुगेका ४५ जना र अगुवा तथा व्यवसायीक १८ जना कृषकलाई सम्मान गरिएको हो ।
कार्यक्रममा बोल्दै नरपालिकाका प्रमुख सोमनाथ सापकोटाले राणा शासानकालदेखी अहिले सम्मको शासन व्यवस्था देखेका सम्मानित व्याक्तिबाट अहिलेका युवाले केहि सिक्नुपर्ने बताउँदै अहिलेको सरकारले के गर्याे भन्नु भन्दा पनि पहिले र अहिलेमा के कति अन्तर भयो र छ भनेर बुझन जरुरी रहेको बताए ।
साथै उनले ८ घातक रोगको उपचारमा नगरले खर्च वेर्होने बताउँदै यसै वर्ष भित्र ७ हजार ७८ घरधुरिमा खानेपानी पुर्याउने योजना रहेको समेत बताए । यसमध्ये केहि घरधुरिमा खानेपानी पुगिसकेको उनले बताए ।
कार्यक्रममा बोल्दै उपप्रमुख कमला शर्मा गौतमले कृषकले कृषि उपजको उत्पादन मात्र गरेर नहुने बताउँदै त्यसलाई व्यवसायिक बनाउनुपर्नेमा जोड दिए । वडा नंं. ७ का वडा अध्यक्षय प्रकाश काफ्ले विकाशका कयौ काम अन्तिम चरणमा रहेको बताउँदै अबको केहि समयमा नै त्यो परिमाण देखिने समेत बताए भने उता वडा नं. ८ का वडा अध्यक्षय नारायण सापकोटाले पुर्खाले उतिवेला गरेको त्यो दुखले नै अहिलेको यस आधुनिक युगमा रमाउन सकेको बताए ।
नेपाली कांग्रेसका तेजेन्द्र बहादुर जिसी, नेकपाका अग्नीधर लोहनी लगायतले नगरले धेरै विकाशका काम गरेको भएतापनि बाँदर आतङकलाई रोक्न प्रयास नगरेकोमा गुनासो गरेका थिए । उनीहरूले बाँदरकै कारण धेरै समय खेर गएको बताउँदै त्यसलाई रोक्न अनुरोध गर्दै यस्तै समस्या रहेमा कृर्षिमा मुसिकोट आत्म निर्भर हुन नसक्ने अवस्था आउने बताएका थिए ।
नगर प्रमुख सापकोटाले विकाशमा केहि विनाश भएतापनि स्थानियको साथ रहेमा त्यसले महा विकाशको रूप लिने बताए । साथै उनले कृषकले उत्पादन गरेको बस्तुले बजार नपाएमा त्यो जिम्मा नगरले लिने हुँदा ढुक्क भएर उत्पादन गर्न आग्रह समेत गरे ।
नगरले करेसाबारी निर्माणमा ४ हजार, गोठ सुधारमा ७ हजार ५ सय, कफिका १ सय विरुवा बराबर १० हजार लगायतका अनुदान समेत दिने गरेको छ ।
जेष्ठ नागरीक सम्मान तथा कृषक परिचय पत्र वितरण कार्यक्रममा कार्यक्रम संयोजक तथा वडा सचिव विष्णु प्रसाद खरेलको स्वागत, वडा अध्यक्षय प्रकाश काफ्लेको अध्यक्ष्ता तथा कम्पुटर अपरेटर गोविन्द कंडेलको संचालनमा सम्पन्न भएको थियो ।
यो कार्यक्रम नगरको सहयोगमा गरिएको पहिलो भएतापनि वडा नं. ८ ले भने आफ्नै आयोजनामा २०७५ सालमा नै जेष्ठ नागरीक सम्मान कार्यक्रम गरिसकेको छ ।
प्रकाशित मिति: शुक्रबार, फागुन २, २०७६ ०८:४७
-1752335779.jpg)
