दोहा - रोजगारीका लागि कुवेत पुगेका एक नेपाली अचेत अवस्थामा अस्पतालमा फेला परेका छन् । गैरआवासीय नेपाली संघ (एनआरएनए) कुवेतका अनुसार नवलपरासी सुस्ता पूर्व देवचुली-२ का ३८ बर्षिय ओम प्रकाश चौधरी त्यहाँको फर्वानिया अस्पतालमा अचेत अवस्थामा उपचार भईरहेको जनाएको हाे ।
कुवेतको अल आहमदिया जेनेरल ट्रेडिङ एन्ड कन्ट्राक्टिङ कम्पनिमा हेभी ड्राइभरको रुपमा कार्यरत चौधरी विगत ८ महिना अघिमात्र कुवेत पुगेका थिए।
उच्च रक्तचापको कारण उनको हार्ट स्ट्रोक भएको र गत मे ११ तारिखका दिन हस्पिटल पुगेको एनआरएनएले जनाएको छ । अहिले उनलाइ भेन्टिलेटरद्वारा श्वास प्रस्वास गराइरहेको बताइएको छ ।
डाक्टरका अनुसार उनलाई फर्वानिया अस्पतालको वार्ड २८ मा राखेर उपचार भैरहेको संघले जनाएको छ ।
सोमबार एनआरएनए कुवेतका अध्यक्ष रनध्वोज लामाको टोलीले उनको अवस्था बुझ्न अस्पताल पुगेको र अध्यक्ष लामाले उनको अवस्थाबारे त्यहाँस्थित नेपाली दूतावासलाई पनि जानकारी गराएको संघले जनाएको छ।
प्रकाशित मिति: बुधबार, जेठ १०, २०८० ०९:५८
-1745656903.jpeg)