बीरगंज–नेपाली जीउँदो कुखुरा महँगो भएकोले सीमावर्ती क्षेत्र भारत बाट अवैध रूपमा जिउँदो कुखुराको तस्करी शुरु भएको छ ।
जिल्ला प्रहरी कार्यालय, पर्साले दिएको जानकारीअनुसार माघ १८ गते पर्सा जिल्लाको जगरनाथपुर गाउँपालिका–२ स्थित लक्ष्मीपुर बाट बिहान ४ः३० बजेको समयमा अवैध रूपमा भारतबाट नेपालतर्फ ओसार पसार हुँदै गरेको १ सय २५ वटा तैयारी (अं.३ क्वीुन्टल) कुखुरा सहित ना.६ प ८४०२, ना.६ प ७९९६, ना.२ प २६३०, ना.७ प ७७४१ र ग १ प ९०१५ नंम्बरको ५ वटा बाईक र ४ जना मानिसहरू लाई नियन्त्रणमा लिई आवश्यक कारवाही को लागि १९ गते बीरगंज भन्सार कार्यालय पठाईएको छ ।
त्यस्तै पक्राउ पर्नेहरूमा जिल्ला पर्सा बहुदरमाई गा.पा वडा नं. १ बस्ने पन्नालाल बानियाको छोरा बर्ष ३३ को रबि कुमार बानिया, पर्सागढी न.पा वडा नं.५ बहुअर्वा बस्ने सोबराती मियाँको छोरा बर्ष ४३ को नसरुदिन मियाँ, कैमोदिन मियाँको छोरा बर्ष २२ को तबरेज आलम र सहिम मियाँको छोरा बर्ष २० को सगिर आलम रहेका छन् ।
त्यस्तै पर्सा जिल्ला अदालतको लगत नं.१३१७ मिति २०७४र११र२२ गतेको फैसलाले १ बर्ष कैद र ५ हजार जरिवाना सजाय तोकिएको ला.औ. गाँजा र चरेश मुद्दाका फरार प्रतिवादी जिल्ला पर्सा बहुदरमाई न.पा. वडा नं.७ बस्ने लक्ष्मी महतोको छोरा अं. वर्ष ३० को राम विनोद प्रसाद कुश्वाहालाई जिल्ला प्रहरी कार्यालय, पर्सा बाट फरार प्रतिवादी पक्राउ गर्न गठन गरिएको प्रहरी टोलीले माघ १८ गते निजकै गाउँघरमा लुकिछिपि बसी रहेको अवस्थामा पक्राउ गरी आवश्यक कारवाहीको लागि पर्सा जिल्ला अदालतमा पठाईएको छ ।
त्यस्तै लगत नं.१५५२ जेष्ठ ९ गतेको फैसलाले ९ महिना ३ दिन कैद र ५ हजार जरिवाना सजाय तोकिएको ला.औ. गाँजा र चरेश मुद्दाका फरार प्रतिवादी जिल्ला पर्सा पचरुखि गा.बि.स वडा नं. ४ हाल परिवर्तित पर्सागढी नं.पा ५ बस्ने नगिना रायको छोरा बर्ष ३० को मनोज रायलाई समेत जिल्ला प्रहरी कार्यालय, पर्सा बाट फरार प्रतिवादी पक्राउ गर्न गठन गरिएको प्रहरी टोलीले माघ १९ गते निजकै गाउँघरमा लुकिछिपि बसी रहेको अवस्थामा फेला पारी नियन्त्रणमा लिई आवश्यक कारवाहीको लागी पर्सा जिल्ला अदालतमा पठाइएको प्रहरी ले जनाएको छ ।
