दमौली–पूर्वराष्ट्रपति डा. रामवरण यादवले धर्म, संस्कृतिको संरक्षण र पर्यटकीयस्थलको प्रचारप्रसारले मात्रै नेपाल भ्रमण वर्ष २०२० सफल हुने भएकाले यसतर्फ ध्यान दिन सुझाव दिएका छन् ।
तनहुँको व्यास नगरपालिका–५ मानहुँकोटको अवलोकन भ्रमण गर्न आएका पूर्वराष्ट्रपति यादवले यस्तो सुझाव दिएका हुन् । उनले मानहुँकोटको ऐतिहासिक महत्व आफ्नै रहेकोले यसलाई आफ्नै मौलिक विशेषतामा प्रवद्र्धन गर्नुपर्ने बताए । उनले भने, ‘मानहुँकोटको आफ्नो ऐतिहासिक महत्व छ, यसलाई ऐतिहासिक महत्वमा नै प्रवद्र्धन गर्नुपर्छ ।’
उनले मानहँुकोटलाई पर्यटकीय गन्तव्यका रूपमा विकास गर्नुपर्नेमा पनि जोड दिए । मानहुँकोटमा पर्यटकीय पूर्वाधार निर्माण गर्नसके स्वदेशी तथा विदेशी पर्यटक आकर्षित गर्न सकिने तर्क गर्दै पूर्वराष्ट्रपति यादवले मानहुँकोटको भविष्य सुन्दर भएकोले यसको प्रवद्र्धनमा स्थानीय सरकार सक्रिय भएर लाग्नुपर्ने बताए ।
पूर्वराष्ट्रपति यादवले सामूहिक भावनाले मात्रै राष्ट्र बलियो हुने बताउँदै सबै जातजातिबीच आपसी समझदारी र सामूहिक भावनाले राष्ट्रियता थप मजबुद हुने उनको विश्वास थियो । उनले यसको विकासका लागी पछाडि परेका समुदायलाई मूलधारमा ल्याउनुपर्नेमा जोड दिए ।
व्यास नगरपालिका–५ का वडाध्यक्ष मोहनकुमार श्रेष्ठले मानहुँकोटको विकासका लागि नगरपालिकाले पहल गरिरहेको जानकारी गराए । नेपाल भ्रमण वर्ष २०२० लाई सफल पार्नु सबैको दायित्व भएकाले वडाले पनि यस अभियानलाई सफल पार्न धेरैभन्दा धेरै पर्यटक मानहुँकोटमा भित्र्याउने लक्ष्य राखेको जानकारी गराए ।
-1745656903.jpeg)