धनगढी–धनगढी उपमहानगरपालिकाले विकास सम्मेलन आयोजन गर्ने भएको छ । धनगढीको सर्वागिण र योजनाबद्ध विकासको लागि उपमहानगरपालिकाले विकास सम्मेलन आयोजना गर्न लागेको हो । सम्मेलनबारे सोमबार पत्रकार सम्मेलन आयोजना गरी उप महानगरपालिकाले जानकारी गराएको हो ।
धनगढी विकास सम्मेलनमा उपमहानगरपालिकाले पहिचान गरेका सामाजिक, आर्थीक, भौतिक विकास र वातावरणको संरक्षणका आधारमा केही मुख्य प्रोजेक्ट बैंकहरू प्रस्तुत हुने नगर प्रमुख नृप बहादुर वडले जानकारी दिए ।
यस्तै विकास सम्मेलनमा नगरवासीहरूले भोग्नु परेका दैनिक समस्याहरूलाई सम्बोधन गर्नका लागि धनगढी शहरलाई बस्न योग्य दिगो शहरको रूपमा रूपान्तरण गर्न एउटा मेगा प्रोजेक्ट प्रस्तुत गरिने छ ।
नगरको विकासका लागि नागरिकसँग विकासका परियोजनाका लागि खुल्ला आह्वान गरि उत्कृष्ट ३ जनालाई पुरस्कृत गरी पहिलो हुनेलाई आफ्नो परियोजना प्रस्तुत गर्न सम्मेलनमा अवसर दिईने जनाएको छ । नगरको विकासका लागि ज्ञान र स्रोत बढाउनलाई विकासको साझेदारहरूको दायरा फराकिलो बनाईनेलगायतका विषयवस्तुहरू समावेश गरिने जस्ता बिषयवस्तु सम्मेलनमा प्रस्तुत हुने उपमहानगरपालिकाले जनाएको छ ।
प्रस्तुत गरिने परियोजनाहरू सम्बन्धित क्षेत्रका बिशेषज्ञहरूलाई समुन्वय गरी दु्रत प्रभाब छोटो अबधि र लामो अबधि गरि तिन भागमा पहिचान गरिने बताईएको छ । उक्त प्रस्तुतिहरू सम्बन्धित क्षेत्रका बिशेषज्ञ बाट प्रस्तुत गरी उपस्थित सम्पुर्ण सहभागिहरू माझ बृहत छलफल गरि परियोजनालाई अन्तिम रूप दिईने पत्रकार सम्मेलनमा जानकारी दिईयो । सम्मेलन फल्गुन १८ गते ओम प्यालेसमा हुने छ ।
सम्मेलनका मुख्य उदेश्यहरू ः
१. विकास सम्मेलन पश्चात धनगढी उप–महानगरपालिकाले पहिचान गरेका सामाजिक, आर्थीक, भौतिक बिकास र वातावरणको संरक्षणका आधारमा केहि मुख्य प्रोजेक्ट बैंकहरू प्रस्तुत गर्नेछ ।
२. धनगढी उप–महानगरपालिकाले आम नगरवासीहरूले भोग्नु परेका दैनिक समस्याहरूलाई सम्बोधन गर्नका लागि धनगढी शहरलाई बस्न योग्य दिगो शहरको रूपमा रूपान्तरण गर्न एउटा मेगा प्रोजेक्ट प्रस्तुत गर्ने छ ।
३. धनगढी उप–महानगरपालिकाको विकासका लागि नागरिकसँग विकासका परियोजनाका लागि खुल्ला आह्वान गरि उत्कृष्ठ ३ जनालाई पुरस्कृत गरि पहिलो हुनेलाई आफ्नो परियोजना प्रस्तुत गर्न सम्मेलनमा अवसर दिईने छ ।
४. धनगढी उप–महानगरपालिकाले विकासका लागि ज्ञान र सा्रेत बढाउनलाई बिकासको साझेदारहरूको दायरा फराकिलो बनाउने छ ।
-1745656903.jpeg)