गलकोट–नेपाल कम्युनिष्ट पार्टी (नेकपा)का स्थायी कमिटी सदस्य तथा स्कूल विभागका उपप्रमुख देवेन्द्र पौडेलले आवश्यक लगानीकर्ताको अभावमा पर्यटन विकासको वातावरण नबनेकाले निजी क्षेत्रको लगानी आवश्यक रहेको बताएका छन् ।
पोखराको लेकसाइडमा आयोजना गरिएका सरोकारवालासँग सहकार्यसम्बन्धी अन्तक्र्रिया कार्यक्रममा उनले सो कुरा बताएका छन् । पर्यटनको विकासका लागी निजी क्षेत्रलाई पनि आकर्षित गर्नुपर्ने उनको धारणा छ । उनले भने, ‘पर्यटनको विकासका लागी निजी क्षेत्रलाई आकर्षण गर्नुपर्ने अवस्था छ ।’
नेपाल सरकारले घोषणा गरेको नेपाल भ्रमण वर्ष २०२० मा पोखरा आउने पर्यटकलाई बागलुङमा आकर्षण गर्न बागलुङमा धेरै पर्यटकीय गन्तव्य भए पनि आवश्यक लगानीकर्ताको अभावमा पर्यटन विकासको वातावरण नबनेकाले निजी क्षेत्रको लगानी आवश्यक रहेको उनले बताए । उनले पर्यटनमैत्री होटल तथा व्यवसाय बनाउनका लागि बागलुङका पर्यटन व्यवसायी इच्छुक हुनुपर्ने बताए । उनले बागलुङमा पर्यटकीय गतिविधि बढाउन पोखराका पर्यटन व्यवसायीले सहयोग गरेको बताए । बागलुङ पर्यटन विकास समिति बागलुङ, बागलुङ उद्योग वाणिज्य संघको पर्यटन समिति, होटल तथा रेष्टुराँ व्यवसायी संघको पहलमा बागलुङ र पोखराबीच पर्यटनमा सहकार्य गर्न पहिलोपटक संस्थागतरूपमै पर्यटनको लागी पहल थालिएको छ ।
पर्यटन विकास समितिका अध्यक्ष राजु खड्काले पोखराका होटल तथा अन्य पर्यटकीय क्षेत्रको अध्ययन तथा अवलोकन र सहकार्य गरी पर्यटकीय गतिविधि बढाउनका लागि उनीहरू त्यहाँ आएका थिए ।
होटल व्यवसायी महासंघ गण्डकी प्रदेश संयोजक अर्जुन चोखालले पर्यटकलाई खुशी पार्ने भनेको होटलको सेवा भएका कारण होटल व्यवस्थापन, सरसफाइ, खानपान तथा सत्कारमा ध्यान पु¥याउनुपर्ने बताएका थिए । पोखराका पर्यटन व्यवसायी वासु त्रिपाठीले ठूला पर्यटन व्यवसायीको अनुभवले साना व्यवसायीलाई अगाडि बढ्न सहयोग पुगेको बताए । उनले भने, ‘पोखराका पर्यटन व्यवसायीको सहकार्यसँगै बागलुङमा पर्यटन गतिविधि बढ्नेछ ।’
