महोत्तरी–बर्दिबासलाइ एक आपसी सद्भावको पहिचान तथा नमुना शहर तथा प्रदेश न २ को व्यापारिक केन्द्रबिन्दु बनाउने अभियान सहित भ्रमण बर्ष २०२० लाइ सफल पार्न ‘आदिबासी जनजाति कृषि पर्यटन तथा ब्यापार महोत्सव २०७६’ माघ १६ गते देखि माघ २५ गते सम्म सम्पन्न हुने भएको छ । बर्दिबास नगरपालिका–१४ गौतम होटल नजिकमा हुन लागेको महोत्सव बर्दिबासको आर्थिक समृद्धीको लागि सहायक सिद्द हुने स्थानिय बासिन्दाको भनाइ छ । त्यस क्षेत्रमा रहने स्थानियवासिहरूलाई सर्वसुलभ तरिकाले सम्पुर्ण सामानहरू एउटै थलोमा उपलब्ध गराउने उदेश्यले सुरु गरिन लागेको मेलाले समग्र बर्दिबासवासिलाई प्रत्यक्ष तथा अप्रत्यक्षरूपमा फाइदा पुर्याउने विश्वास लिईएको छ ।
नेपाल आदिवासी जनजाति महासंघ जिल्ला समन्वय परिषद् महोत्तरीको मुख्य आयोजना तथा नेपालका विभिन्न जिल्लाहरूमा औद्योगिक तथा व्यापार मेला गर्दै आएको संस्था औद्योगिक शान्ति नेपाल संस्थाको सहकार्य र बर्दिवास नगरपालिकाको संरक्षणमा ‘बर्दिबास आदिवासी जनजाति कृषि पर्यटन तथा ब्यापार महोत्सब २०७६’ हुन लागेको हो । बर्दिबास आफैँमा एक व्यापारिक धार्मिक, सांस्कृतिक, र पर्यटकीय दृष्टीकोणले महत्वपुर्ण स्थल रहेको मानिन्छ । यसै अनुरूप यस मेलाले बर्दिबासको आन्तरिक तथा बाह्य पर्यटनमा वृद्धि गरि आर्थिक रूपले पनि मजबुत बनाउने र बर्दिबास क्षेत्रलाइ राष्ट्रिय तथा अन्तर्रास्ट्रिय रूपमा चिनाउन मद्दत पुग्ने कुराको जानकारी नेपाल आदिवासी जनजाति महासंघ जिल्ला समन्वय परिषद् महोत्तरीका अध्यक्ष शान्तराज मोक्तानले गराए ।
उक्त मेलामा २ सय भन्दा बढी स्टलहरू रहने र सम्पूर्ण दैनिक उपभोग्य खाद्यान्नका समानहरू देखि लिएर लत्ता कपडा, जुत्ता, कृषि तथा हस्तकलाका समान, भाँडाकुँडा, एकै ठाउँमा सर्व–सुलभ तरिकाले पाउने र त्यसै गरि अटो मोबाइल, विभिन्न ब्रान्डका मोबाइल अन्य इलोक्ट्रोनिक्स समानहरू पनि उपलब्ध हुने र मेलामा बिक्रि वितरण गर्न राखिएको समानहरूमा २५ देखि ५० प्रतिसत सम्म छुटको ब्यवस्था रहेको जानकारी औद्योगिक शान्ति नेपाल संस्थाको अध्यक्ष सन्दिप महतले गराएका छन् ।
२ न. प्रदेश स्तरिय बर्दिबास आदिवासी जनजाति ‘कृषि पर्यटन तथा व्यापार महोत्सव २०७६’ मा करिब ५ लाख उपभोक्ताले मेलाको अवलोकन गर्ने अनुमान गरिएको र उक्त मेलामा ४ दर्जन भन्दा बेसी राष्ट्रिय तथा स्थानीय कलाकारहरूले आफ्नो मनोरन्जनात्मक कला, गायन कला प्रदर्शन गर्ने र उपस्थित भिडलाइ भरपुर मनोरंजन दिने र बालबालिकाहरूको लागि पनि छुट्टै बाल उद्यान, रोटे पिङ्ग, मारुती सर्कस, कोलम्बस, चिडियाघर, जादु तथा अन्य खेल सामग्री समेत रहेको जानकारी अध्यक्ष महतले गराए । साथै उक्त मेला अवलोकन गरि आन्तरिक तथा बाह्य व्यापार ब्यवसाय र धार्मिक सांस्कृतिक पर्यटनलाइ प्रवर्धन गर्न सम्पूर्ण नेपाली समुदायलाइ उनले आव्हान गरेका छन् ।
औद्योगिक शान्ति नेपाल संस्थामा अध्यक्ष्यमा सन्दिप महत, उपाधक्ष्यमा राज कुमार खड्का, महासचिबमा शंकर गुरुङ, कोषाधक्ष्यमा प्रितम मल्ल तथा सचिवालय व्यवस्थापकमा बिनोद जैसवाल रहेको छन् ।
-1745656903.jpeg)