दाङ–नेपाली कांग्रेसका सभापति शेरबहादुर देउवाले एमसीसी अमेरिकाको हालसम्मकै ठूलो सहयोग भएको हुँदा त्यसलाई नेपाल सरकारले फिर्ता जान दिन नहुने धारणा व्यक्त गरेका छन् ।
प्रेस यूनियनले तुलसीपुरमा आयोजना गरेको पत्रकार सम्मेलनमा उनले यस्तो धारणा व्यक्त गरेका हुन् । मिलेनियम च्यालेन्ज कर्पोरेशन (एमसीसी) नेपालको हितमा रहेको पनि उनले बताए । उनले भने, ‘एमसीसी अमेरिकाको हालसम्मकै ठूलो सहयोग हो, सरकारले फिर्ता जान दिनु हुदैन् ।’
उनले नेपालमा लगानी वृद्धि एवं आर्थिक विकासमा तीव्रता ल्याउने उद्देश्यसहित नेपाल सरकारले अमेरिकासँग गरेको एमसीसी सम्झौता विकासका लागि महत्वपूर्ण रहेको बताए । उनले भने, ‘नेपाल सरकारले अमेरिकासँग गरेको एमसीसी सम्झौता विकासका लागि महत्वपूर्ण रहेको छ ।’ उनले मुलुकमा लगानी वृद्धि र आर्थिक विकासमा एमसीसी तीव्रता ल्याउने विश्वास व्यक्त गरे । उनले भने, ‘मुलुकमा लगानी वृद्धि र आर्थिक विकासमा एमसीसी तीव्रता ल्याउँछ ।’
अमेरिकी राजदूतावासले एमसीसी इन्डोप्यासिफिक जस्तो सैन्य गतिविधि सञ्चालन गर्ने रणनीति नभएको स्पष्ट पारिसकेको हुँदा भ्रममा पर्न नहुने उनको तर्क थियो । उनले भने, ‘अमेरिकीले भनिसकेको छ, एमसीसी इन्डोप्यासिफिक जस्तो सैन्य गतिविधि यसले सञ्चालन गर्दैन भनेर ।’
एमसीसी पारित भए भोलि नेपालले भारतलाई विद्युत बेच्न सजिलो हुने बताउँदै बुटवलदेखि दिल्लीसम्म भारतले ट्रान्समिसन लाइन बनाउन सुरु गरिसकेको जानकारी गराए । उनले भने, ‘एमसीसी पारित भए भोलि नेपालले भारतलाई विद्युत बेच्न सजिलो हुन्छ, त्यसप्रति पनि हामीले ध्यान दिनुपर्छ ।’
विद्युतबाट हामीले कमाएको रकमले मुलुकको विकासमा टेवा दिने उनको भनाई थियो । उनले त्यो रकमले नेपालको सडक निर्माण तथा विस्तारसमेतमा सहयोग पुग्ने हुनाले एमसीसीको विरोध गर्न नहुने उनले बताए ।
