एजेन्सी - दोस्रो विश्वयुद्धमा जर्मनीलाई हराउन महत्त्वपूर्ण भूमिका खेलेका दुई वटा लडाकु विमान अमेरिकी आकाशमा एकअर्कामा ठोक्किएर दुर्घटनाग्रस्त भएका छन् ।
आइतबार सैन्य लडाकु विमान प्रदर्शनका क्रममा दुई वटा विमान आपसमा ठोक्किएका बीबीसीले जनाएको छ ।
ठोक्किएलगत्तै दुवै विमानमा आगलागी भएको थियो । दुर्घटनामा कति मानिस परे भन्ने खुल्न सकेको छैन तर दुई जना मृतकको भने नाम सार्वजनिक भएको बीबीसीले जनाएको छ ।
विश्व युद्धका भेट्रानहरूको सम्मानमा आयोजना भएको तीन दिने कार्यक्रम गएकाे शुक्रबारदेखि सुरु भएको थियो ।
प्रदर्शनलाई झन्डै छ हजार मानिसले प्रत्यक्ष हेरिरहेका थिए । यसैबीच विमान दुर्घटनाबारे अमेरिकाको सङ्घीय उड्ययन प्रशासनले अनुसन्धान सुरु गरेको छ ।
