काठमाडौं– वैदेशिक रोजगारअन्तर्गत कोरिया जाने नाममा बर्सेनि लाखौँ युवाहरूले आफ्नो समय अन्योलमा खर्चिएका छन् । रोजगार अनुमति प्रणाली (इपिएस) मार्फत कोरिया जानका लागि पढाइलाई त्यागेर भाषा पढ्न जाने विद्यार्थीहरूको संख्या बढिरहेको बेला कम कामदार मात्र माग गर्ने र मागअनुसार उत्तीर्ण गरेका विद्यार्थीहरू पनि नलगेपछि लाखौँ युवाहरूले कोरियाको रोजगारको नाममा समय खेर पाल्दै आएका हुन् ।
यस वर्ष २०२० का लागि लिइएको कोरियन भाषा परीक्षामा ९२ हजार ३ सय ५६ जनाले आवेदन दिएका थिए । जसमध्ये १२ हजार १० जनाले भाषा परीक्षा उत्तीर्ण गरेका थिए । तर यो वर्षबाट सीप परीक्षामा सुरुभएसँगै सीप परीक्षाबाट ६ हजार ७ सय जना मात्र उत्तीर्ण भए । जसमा उत्पादन र कृषि दुवै क्षेत्रको गरी ४ हजार २ विद्यार्थी अनुत्तीर्ण भएका थिए । त्यसो त कोरियन भाषा पास गरेर पनि आधा विद्यार्थी नगएको तथ्यांकले देखाउँछ । यसरी बर्सेनि परिवार र पढाई त्यागेर कोरियन भाषा पढिरहेका तथा पढेर पनि अनुत्तीर्ण भएका करिब ८० हजार विद्यार्थीको भविष्य अन्योलतिर धकेलिएको छ ।
तर, कोरियन भाषा पास हुनु भनेको कोरिया जानुको ग्यारेन्टी नभएकाले ढुक्क भएर काम छाडेर बस्नु राम्रो नभएको इपिएस शाखाका अधिकृत बाबुराम घिमिरेले बताएका छन् । उनका अनुसार कोरियन भाषा परीक्षामा आवेदन दिँदा नै प्रवेश पत्रमा ‘कोरियन भाषा पास गर्नु कोरिया जानु ग्यारेन्टी होइन’ भनेर लेखिएकाले त्यसको प्रक्रिया पु¥याएर आफ्नो पढाइ र कामलाई अघि बढाउनु पर्ने बताए ।
त्यसो त, २००८ देखि सुरु भएको कोरियन रोजगारीका लागि पहिलो वर्ष ३१ हजार ५ सय २५ जना आवेदकमध्ये ६ हजार ७ सय ८६ जना मा उत्तीर्ण भएका थिए । जसमध्ये २००८ मा २ हजार ८ सय र २००९ मा १ हजार ९ सय ११ जना मात्र कोरिया गएको तथ्यांकमा छ ।
तथ्यांकअनुसार २०१० मा ३६ हजार २ सय ३ जना आवेदकमध्ये ४ हजार १ सय ८० जनाले भाषा परीक्षा उत्तीर्ण गरेका थिए । जसमध्ये २ हजार ३ सय ३९ जना कोरिया गए । २०११ मा ५० हजार ४३ जना आवेदकमध्ये १५ हजार ६ सय ७८ जनाले भाषा उत्तीर्ण गरेका थिए । जसमा ३ हजार ९ सय ८३ जनाले मात्र कोरिया जाने मौका पाए । यो वर्ष धेरै भाषामा उत्तीर्ण गरेका विद्यार्थीहरू कोरिया जान पाएनन् ।
त्यस्तै, २०१३ मा ४४ हजार १ सय २२ जना आवेदकमध्ये ८ हजार ५१ जना परीक्षार्थी मा त्र उत्तीर्ण भए । जसमध्ये ५ हजार ४६ जना मात्र कोरिया गए । २०१४ मा ५८ हजार ७ सय ४६ आवेदकमध्ये ३ हजार ६ सय ६३ जना परीक्षार्थी उत्तीर्ण भए । यो वर्ष अघिलो वर्षको सहित ६ हजार २८ जना कोरिया गए । २०१५ मा ५१ हजार १ सय ३७ आवेदकमध्ये ८ हजार ४ सय ९० जना परीक्षार्थी उत्तीर्ण भए । जसमध्ये ५ हजार ८ सय ६६ जना कोरिया गए ।
२०१६ मा ६० हजार ६ सय २६ जना आवेदकमध्ये ३ हजार ५ सय १७ जना परीक्षार्थी उत्तीर्ण भए । जसमध्ये अघिल्लो वर्षको सहित ८ हजार ७९ जनाले कोरिया जाने मौका पाए । २०१७ मा ६८ हजार ३ सय ६३ आवेदकमध्ये १२ हजार १ सय ८ जना परीक्षार्थी उत्तीर्ण भएका थिए । जसमध्ये ७ हजार ८ सय जना मात्र कोरिया गए । त्यस्तै ,२०१८ मा ८२ हजार २ सय ६४ आवेदकमध्ये ७ हजार ९ सय ९६ जना परीक्षार्थी उत्तीर्ण भए । जसमध्ये ७ हजार ९ सय ४० जना कोरिया गए । यसरी अहिलेसम्म्को तथ्यांक हेर्दा उत्तीर्ण गरेका विद्यार्थी धेरै नलगेको देखिन्छ । तर यस विषयमा कुराकानी गर्दा शाखाका अधिकृत घिमिरेले आफूहरूले नेपालबाट उत्तीर्ण भएका विद्यार्थीहरूको प्रक्रिया मात्र गरिदिने भएकाले सबै कोरिया जाने÷नजाने कुरा रोजगारदाताको हातमा हुने प्रभाव दैनिकसँग बताए ।
प्रकाशित मिति: मंगलबार, पुस २९, २०७६ ०५:३१
-1745656903.jpeg)