एजेन्सी - इजिप्टको चर्चमा आगलागी हुँदा ४१ जनाको मृत्यु भएकाे छ । इजिप्टको गिजा प्रान्तको एक कप्टिक चर्चमा आइतबार भएको भीषण आगलागीमा परी कम्तीमा ४१ जनाको मृत्यु भएको छ ।
साे आगालागीमा अन्य १२ जना घाइते भएकाे इजिप्टको स्वास्थ्य मन्त्रालयले जनाएको छ । आन्तरिक मन्त्रालयका अनुसार चर्च भवनको दोस्रो तल्लामा रहेको एयर कन्डिसनरबाट विद्युत् सर्ट भएर आगलागी भएको हो ।
अबु सिफिन चर्च दुर्घटनामा "मृत्यु हुनेको सङ्ख्या अझै गणना भइरहेको छ एकिन विवरण आउन बाँकी छ", स्वास्थ्य मन्त्रालयले विज्ञप्ति जारी गर्दै उल्लेख गरेको छ । अहिले ३७ वटा एम्बुलेन्सहरू घटनास्थलमा पठाइएको मन्त्रालयले जनाएको छ।
File Photo
प्रकाशित मिति: आइतबार, साउन २९, २०७९ २०:५५
