काठमाडौं - सोनीले आफ्नो नयाँ स्मार्टफोन एक्सपेरिया वान आईभी (Xperia 1 IV) सार्वजनिक गरेको छ । पछिल्लो समयमा आफ्नो स्मार्टफोनमा क्यामेरा, गेमिङ, भिडिओ र अडियोमा सुधार गर्दै आएको सोनीले यो पटक फोनको जुम लेन्समा नयाँ परिवर्तन गरी सार्वजनिक गरेको हो ।
सोनीको यो फ्ल्यागशिप फोनमा उपलब्ध क्यामेरा अप्टिकल ८५-१२५ एमएम जुम लेन्स प्रयोग गरिएको छ । फोनमा तीनवटा क्यामेरा सेटअप रहेको छ, जसमा १२ मेगापिक्सेलको २४ एमएम वाइड क्यामेरा, १२ मेगापिक्सेलको १६ एमएम अल्ट्रा वाइड क्यामेरा र १२ मेगापिक्सेलकै ८५-१२५ एमएम टेलिफोटो क्यामेरा उपलब्ध छ ।
औपचारिक रुपमा आज सार्वजनिक भएको यो फोनमा बजारमा भने सेप्टेम्बर महिनादेखि मात्र उपलब्ध हुनेछ । फोनमा १२० हर्ज रिफ्रेस रेट सहितको ६.५ इन्चको डिस्प्ले उपलब्ध गराइएको छ ।सेल्फीका लागि पनि १२ मेगापिक्सेलको क्यामेरा उपलब्ध छ ।
क्वालकमको स्न्यापड्रागन ८ जेन १ प्रोसेसर भएको फोनमा १२ जीबीको र्याम सहित ५१२ जीबीको स्टोरेज र माइक्रोएसडी कार्डको लागि स्लट पनि उपलब्ध गराइएको छ । ५००० एमएएच ब्याट्रीसहित कालो र बैजनी रंगमा उपलब्ध यो फोनको मूल्य १,६०० डलर ,एक लाख ९८ हजार रुपैयाँ तोकिएको छ ।
![सिण्डिकेटधारीविरुद्ध व्यवसायीको आक्रोशः २५ व्यवसायीको तस्बिरमा जुत्ता प्रहार [भिडियो]](https://www.prabhabonline.com/uploads/posts/200X200/jutta-prahar-bairo-1789318338.jpg)