एजेन्सी– अभिनेता विल स्मिथ ९४औँ संस्करणको ओस्कार अवार्ड समारोहको अप्रिय घटनापछि पहिलोपटक सार्वजनिक रूपमा देखिएका छन् । हालै भारत भ्रमणमा आएका उनी सार्वजनिक रूपमा देखिएका हुन् ।
उनको भारत भ्रमण योग, ध्यान र आध्यात्मिक कार्यमा केन्द्रित रहेको बताइएको छ । उनको भ्रमणलाई लिएर सामाजिक सञ्जालमा निकै आलोचना भइरहेको छ । विलको यस भ्रमणलाई निन्दनीय र हास्यास्पद रहेको धेरैले टिप्पणी गरेका छन् ।
विलले ९४औँ ओस्कार अवार्ड समारोहमा क्रिसलाई स्टेजमै गएर थप्पड लगाएका थिए । कमेडियन क्रिसले विलकी पत्नी अभिनेत्री जेडा पिन्केट स्मिथलाई लिएर मजाक गरेपछि विल क्रिसलाई थप्पड लगाउन स्टेजमै पुगेका थिए । उक्त घटनापछि शारीरिक आक्रमण गरेको अभियोगमा विललाई ओस्कर एकेडेमीले १० वर्षका लागि प्रतिबन्ध लगाएको छ । सोही अवार्डमा विलले ‘किंग रिचर्ड’ का लागि उत्कृष्ट अभिनेताको अवार्ड जितेका थिए । क्रिस स्ट्यान्ड अप कमेडियन हुन् ।
