काठमाडौं– नेपाली कथानक चलचित्र चिठ्ठीको छायांकन सम्पन्न भएको छ । एरा प्रोडक्सन प्रालिको ब्यानरमा निर्माण भएको चलचित्रको निर्देशन माधवराज खरेलले गरेका छन् । चलचित्रमा सञ्जित भण्डारी, कमेडी च्याम्पियनका सेकेण्ड रनअप खड्गबहादुर पुनमगर (खबपु), गोपाल ढकाल (छन्दे), नबुजंग थापा, मुस्कान लामा, प्रवन भुषाल, कञ्चन चालिसेलगायतको अभिनय रहेको छ ।
साथै, शान्तिप्रिय, श्रीदेव भट्टराई, नम्रता खरेल पौडेल, मोहन निरौला, रश्मि भट्ट, उद्धव भट्टराई, कृष्ण भट्टराई, डेविलसिंह राजपुत, राजन थापा, पुरुषोत्तम सानु, पूर्ण राई, राजु कार्की, रज्जु गुरुङ, मुना निरौला, कविन्द्र त्रिपाठीलगायतका कलाकारको अभिनय रहेको छ । जीवन पराजुलीले चलचित्रको छायांकन गरेका हुन् ।
चलचित्र काठमाडौं, काभ्रेपलाञ्चोक, ललितपुरलगायत जिल्लाका विभिन्न स्थलहरूमा छयांकन गरिएको जानकारी दिइएको छ । अहिलेको नेपाली बजारमा आइरहेका कथावस्तुभन्दा फरक रहेकोे निर्माणपक्षको दाबी छ । चलचित्रलाई यही वर्ष (२०२२) भित्रै प्रदर्शनमा ल्याउने बाइएको छ ।
