काठमाडौं– हालै स्थापना गरिएको अनुगमन तथा मूल्यांकन एकाइको मंगलबार सशस्त्र प्रहरी महानिरीक्षक पुष्पराम के.सी.ले एक समारोहका बीच उद्घाटन गरेका छन् । उक्त समारोहमा महानिरीक्षक के.सी.ले केन्द्र देखि तल्लो तह सम्मका ईकाहरूबाट सम्पादित सांगठनिक कामकारवाहीहरूको नियमित रूपमा अनुगमन गरी प्रभावकारी कार्यसम्पादन गर्ने उद्देश्यकासाथ सो एकाइ स्थापना गरिएको उल्लेख गरे ।
अनुगमनको क्रममा देखिएका सुधारका पक्षहरूमा तत्कालै निर्णय लिन तथा संगठनमा भएका नियमित कार्यहरूको समयमै अध्यावधिक गर्न समेत सहयोग पुग्ने बताए । उनले राज्यले सुम्पिएको जिम्मेवारीलाई कुशलता पूर्वक निर्वाह गर्न प्रहरी कर्मचारीहरूलाई दत्तचित्त भएर लाग्न निर्देशन दिए ।
सशस्त्र प्रहरी बल, नेपालको सम्पूर्ण एकाइहरूमा कार्यरत कमाण्डर तथा सकल दर्जाले आ–आङ्खनो पदीय दायित्व र जिम्मेवारी अनुसार सम्पादन गरेको काम कारवाहीको नियमित अनुगमन तथा मूल्यांकन हुने र सोही मूल्यांकनलाई समेत वार्षिक युनिट निरीक्षणको मुल्यांकन तथा आर्थिक वर्षको अन्तिममा गरिने मुल्यांकनमा जोडिने हुँदा सरुवा बढुवा लगायतका वृत्ति विकासमा कर्मचारी स्वंयले सम्पादन गर्ने काम कारवाही निर्णायक हुने प्रणाली विकासमा आफूले जग बसाउन खोजेको बताए ।
