काठमाडौं– नेपाल इन्जिनियरिंग कलेज (नेक) का शिक्षकविद्यार्थीले मिलेर एआईवेस डेलिभरी रोबोट बनाउन सफल भएका छन् । प्रोजेक्टलाई नेपाल एकेडेमी अफ साइन्स एण्ड टेक्नोलोजी (नास्ट) द्वारा फण्डिग गरिएको छ । रोबोट बनाउन शिक्षकतर्फवाट डिपार्टमेन्ट अफ इलेक्ट्रोनिक्स एण्ड कम्युनिकेशनका सहप्राध्यापक सचिन श्रेष्ठ र सहप्राध्यापक रूपेश दही श्रेष्ठ, डिपार्टमेन्ट अफ कम्प्युटर साइन्स एण्ड इन्जिनियरिंगका सहप्राध्यापक दिनेश डंगोल तथा डिपार्टमेन्ट अफ इलेक्ट्रोनिक्स एण्ड इलेक्ट्रिकल इन्जिनियरिंगका उपप्राध्यापक अभिनाश खत्री केशी मुख्य टिम मेम्वरका रूपमा रहेको जनाइएको छ ।
यस्तै बिद्यार्थीकातर्फवाट राजु श्रेष्ठ, सरोज चौधरी, कुमार श्रेष्ठ र उत्सब खड्का रहेको जनाइएको छ । रोबोटलाई अटोमेटिक तथा म्यानल मोडमा काम गराउन सकिने टोलीका सहप्राध्यापक सचिन श्रेष्ठले बताए । म्यानल मोडमा काम गराउनको लागि एउटा छुट्टै मोबाइल एप बनाइएको उनले बताए । मोबाइल एपको मद्दतले यसलाई वायरलेस्ली कन्ट्रोल गर्न सकिन्छ । यसलाई आफुले चाहेको ठाउँसम्म अगाडि पछाडि गराएर लान पनि सकिने उनले जनाए ।
अटोमेटिक मोडमा भने यो आफैँ आङ्खनो गन्तब्यमा पुग्छ । यसको लागि उक्त क्षेत्रमा रहेको सीसीटीभी मुख्य कन्ट्रोल युनिट र रोबोटबीचमा वायरलेस नेटवर्क रहेको छ । मुख्य कन्ट्रोल युनिट नर्स स्टेशनमा रखिएको हुन्छ । त्यससंगै त्यहाँ डेस्कटप एप पनि हुन्छ । नर्स स्टेसनमा रहने कम्प्युटरमा रोबोटसंगै आबद्ध डेस्कटप एपको माध्यमवाट नर्सले रोबोट पुग्नुपर्ने ठाउँहरू इकित गर्न सक्नेछन् । एकचोटी यसरी ठाउँहरू निश्चित भएपश्चात रोबोट आफैँ त्यो ठाउँहरूमा पुग्नेछ र नयाँ गन्तव्य इंकित नगरेसम्म उक्त ठाउँहरूमा नै घुमिरहने छ । यसरी आङ्खनो गन्तव्य पुग्ने क्रममा रोबोटले अगाडी कुनै बाटो छेकिने बस्तुहरू भेटेमा त्यसलाई छलेर जाने जनाइएको छ । साथै अगाडी कुनै मान्छेहरू भेटेमा रोबोटले बाटो छोड्नको लागि स्पीकरमार्फत अनुरोध पनि गर्छ ।
‘रोबोट आफैमा रहेको क्यामेरामार्फत यसले आफू वरपर रहेको वातावरणलाई निरीक्षण गर्दछ र एआई टेकनोलोजी मार्फतवाट आङ्खनो अगाडी मान्छे आएमा थाहा पाउछ’ टोलीमा संलग्न नेकका सहप्राध्यापक रूपेश दही श्रेष्ठले भने । यसरी रोबोट बनाउँदा मुख्य सदस्यहरूबाहेक कलेजमा कार्यरत सुमन प्रजापति, ज्ञानभक्त महर्जन, सुशिल श्रेष्ठलगायतका पनि उलेख्य भूमिका रहेको जनाइएको छ । एआई टेक्नोलोजीको प्रयोग भएकोले यसमा आवश्यकता अनुसार थुप्रै फिचर्सहरू पनि सजिलै थप्न सकिने जनाइएको छ ।
