काठमाडौं – काठमाडौं महानगरपालिका–१० का विभिन्न भागमा रहेको ५० रोपनी सार्वजनिक जग्गामा उद्यान निर्माण गरिएको छ ।
यस वडा क्षेत्रमा रहेका करिब ५० रोपनी सार्वजनिक जग्गा संरक्षणका लागि खुला स्थानको विकास गर्ने नीतिअनुसार रु तीन करोड ५० लाख लगानीमा उद्यान निर्माण गरेको हो ।
वडा क्षेत्रमा रहेका ११ ठाउँका सार्वजनिक जग्गालाई उद्यान निर्माण गरेर करिब ५० रोपनी जग्गा संरक्षण गरिएको वडाध्यक्ष रामकुमार केसीले जानकारी दिए ।
नया“ बानेश्वर, छक्कुबक्कु, जोगीकुटी, संयुक्त राष्ट्रसङ्घीय उद्यान (युएन पार्क), सेतो गणेशस्थानस“गैको स्थललगायत स्थानको सार्वजनिक जग्गा वडाको नेतृत्वमा संरक्षण भएको जनाइएको छ ।
सार्वजनिक जग्गा संरक्षणका लागि यस क्षेत्रबाट बागमती प्रदेशसभामा प्रतिनिधित्व गर्ने प्रदेश सरकारका संस्कृति तथा पर्यटनमन्त्री दीपेन्द्र श्रेष्ठले समेत सहयोग गरेको वडा कार्यालयले जनाएको छ ।
मन्त्री श्रेष्ठले प्रदेशसभा सदस्यका रूपमा मात्र प्रतिनिधित्व गर्दा पनि सार्वजनिक जग्गामा रोपेको मकै काटेर उद्यान निर्माण गर्ने कामको नेतृत्व गरेको थियो । विभिन्न विद्यालय एवं व्यक्तिले मिचेका बागमती र रुद्रमती नदी किनारका जग्गा खाली गर्न पनि मन्त्री श्रेष्ठले आफैँ स्थलगत रूपमा खटेर सहयोग गरेको बताइएको छ ।
