झापा -रुद्र-गौरी श्री अम्बिका ओली प्रतिष्ठानले हरेक वर्ष प्रदान गर्दै आएको चार विधाका पुरस्कार नामसहित घोषणा गरेकाे छ। यस वर्ष हिमालय शम्सेर जबरा, ‘सुभद्रा–मदन फाउन्डेसन’ ( मदन राई) ‘चन्द्रागिरि मेशिनरी उद्योग’ (गोविन्दभक्त श्रेष्ठ) ,युवती खड्का केसी र विवश पोखरेललाई दिने प्रेस विज्ञप्तिमार्फत घोषणा गरेकाे हाे ।
प्रतिष्ठानले वि.सं.२०६७ सालदेखि कृषि, साहित्य/पत्रकारिता, महिला सशक्तीकरण, बालबालिकाका क्षेत्रलाई समेट्दै आएकोमा नवौं वर्षको यात्रा तय गरिरहँदा रू ५ लाख राशीको ‘श्रीप्रसाद ओली स्मृति राष्ट्रिय/अन्तर्राष्ट्रिय प्रज्ञान पुरस्कार’ समेत थप गरेको छ । यसै क्रममा नवौं सम्मान तथा पुरस्कार आगामी २०७९ बैशाख ४ गते काठमाडौंको भृकुटीमण्डपस्थित पर्यटन विकास बोर्डको सभाहलमा एक समारोहकाबीच समर्पण गरिने जानकारी गराएकाे हाे ।
‘रूद्र्र–गौैरी, श्री–अम्बिका ओेली प्रतिष्ठान’ समाजमा भएका अनुकरणीय कार्यहरूको प्रबद्र्धन गर्ने उद्देश्यले जिल्ला प्रशासन कार्यालय झापामा दर्ता भएको गैरनाफामूलक सामाजिक संस्था हो । वि.स. १९८८ श्रावण १६ गते शुक्रबारका दिन तेह्रथुम आठराई, छातेढुङ्गा गा.वि.स. वडा नं. ६, होडागाउँमा पिता रूद्रप्रसाद ओली र माता गौरादेवी ओलीको ज्येष्ठ पुत्ररत्नको रूपमा जन्मिएका समाजसेवी प्रसाद ओलीको प्रमुख उद्देश्य समग्र मानवहित तथा सकारात्मक समाजिक विकासमा अनुकरणीय र उल्लेख्य योगदान पुर्याउने व्यक्ति तथा संस्थालाई सम्मान गरी समाजलाई यस्तै उल्लेख्य योगदानको लागि अभिप्रेरित गरेको छ ।
श्रीप्रसाद ओली स्मृति प्रज्ञान पुरस्कार
[caption id="attachment_24176" align="alignleft" width="126"]
हिमालय शम्सेर जवरा[/caption]
विषम र प्रतिकूल परिस्थिति तथा चुनौतीहरुका बीच नेपालमा पहिलो पटक विनिमय दरको व्यवस्था गरी भारतीय मुद्राको प्रचलनलाई निरुत्साहन गरी नेपाली मुद्रालाई चलनचल्तीमा ल्याउन उल्लेख्य कार्य गरी नेपालमा स्वतन्त्र अर्थतन्त्रको जग बसाउन आधारस्तम्भको काम गरेको साथै नेपालको अर्थ व्यवस्थाको संस्थागत सुधारमा योगदान पुर्याएवापत नेपाल राष्ट्र बैंकका प्रथम गर्भनर काठमाडौं निवासी हिमालय शम्सेर जवरालाई पहिलो पटक पुरस्कार राशी रु. ५,००,०००/-(पाँच लाख) तथा सम्मानपत्रसहित श्रीप्रसाद ओली स्मृति प्रज्ञान पुरस्कारबाट सम्मानित गरिने बताइएकाे छ ।
रूद्रप्रसाद ओली राष्ट्रिय कृषि पुरस्कार
[caption id="attachment_24172" align="alignleft" width="108"]
गोविन्दभक्त श्रेष्ठ[/caption]
[caption id="attachment_24173" align="alignright" width="98"]
मदन कुमार राई[/caption]
५० भन्दा बढी जिल्लाका बालबालिकालाई समावेशी ढंगबाट विगत ७ वर्ष देखि खोटाङ जिल्लामा जीवन उपयोगी व्यावहारिक ज्ञानसहित व्यावसायिक कृषिलगायतका विषयमा शिक्षा प्रदान गरी श्रमप्रति सम्मान गर्ने प्रवृत्ति विकासका गर्न अनवरत रुपमा कृषि विज्ञ मदन राईको नेतृत्वमा स्थापित ललितपुरस्थित ‘सुभद्रा–मदन फाउण्डेसन’ र कृषि पेशामा यान्त्रिकरणका माध्यामबाट उत्पादकत्व अभिबृद्धि, विद्यमान अधिक श्रम तथा समय खर्चिने परिपाटीमा सुधार गर्न सानादेखि ठूला कृषि औजारसमेत उत्पादन गरी देशको कृषि क्षेत्रमा तथा अर्थतन्त्रमा टेवा पुर्याएबापत काठमाडौंस्थित ‘चन्द्रागिरी मेशिनरी उद्योग’का गोविन्दभक्त श्रेष्ठलाई संयुक्त रुपमा पुरस्कार राशी रु. १,०१,१११/-(रु.एक लाख एक हजार एकसय एधार) तथा सम्मानपत्रसहित ‘रुद्रप्रसाद ओली राष्ट्रिय कृषि पुरस्कार’बाट सम्मानित गरिने प्रतिष्ठानले जनाएकाे छ ।
गौरादेवी स्मृति राष्ट्रिय आर्दश आमा पुरस्कार
[caption id="attachment_24174" align="alignright" width="110"]
युवती खड्का केसी[/caption]
अपाङ्गता भएका व्यक्ति, जेष्ठ नागरिकलाई पुनस्र्थापना तथा सेवा, महिलाहरुको आर्थिक सशक्तिकरण, पारिवारिक स्वास्थ्य सेवा, प्राकृतिक तथा सामाजिक प्रकोपका पीडितहरुको उद्धार, सामाजिक कुसंस्कारविरुद्धको अग्रसरता साथै धार्मिक अनुष्ठानहरुमा पुर्याएको योगदानवापत काठमाडौं निवासी युवती खड्का केसीलाई पुरस्कार राशी रु. १,०१,१११/-रु.एक लाख एक हजार एकसय एधार) तथा सम्मानपत्रसहित ‘गौरादेवी ओली स्मृति राष्ट्रिय आमा पुरस्कार’बाट सम्मानित गरिने प्रतिष्ठानले जनाएकाे छ ।
अम्बिका ओली स्मृति राष्ट्रिय साहित्य तथा पत्रकारिता पुरस्कार
[caption id="attachment_24175" align="alignleft" width="62"]
विवश पोखरेल[/caption]
विभिन्न साहित्यिक कृतिहरुको प्रकाशनसहित विगत साढे चार दशकदेखि निरन्तर नेपाली साहित्यको विकासमा क्रियाशील भई नेपाली साहित्यको श्री बृद्धिमा उल्लेख्य भूमिका निर्वाह गर्दै आएका कवि, कथाकार, निबन्धकार, समालोचक र नाट्यकर्मी मोरङ विराटनगर निवासी विवश पोखरेललाई पुरस्कार राशी रु. १,०१,१११/- (रु.एक लाख एक हजार एकसय एधार) तथा सम्मानपत्रसहित ‘अम्बिका ओली स्मृति राष्ट्रिय साहित्य तथा पत्रकारिता पुरस्कार’बाट सम्मानित गरिने प्रतिष्ठानले जनाएकाे छ ।
देवी ओली स्मृति राष्ट्रिय बाल पुरस्कार -
यो सम्मान तथा पुरस्कार यस प्रतिष्ठानले स्थापनाकालदेखि रू ५१,१११/– प्रदान गर्दै आएकोमा यस वर्षदेखि कार्यसमितिले उक्त पुरस्कारको रकम बृद्धि गरी रू १,०१,१११/– प्रदान गर्ने निर्णय गरिएको जानकारी गराएकाे छ । तर, विविध प्राविधिक कारणले यो सम्मान तथा पुरस्कार यस पटक प्रदान गर्न नसकिएकोमा प्रतिष्ठानले क्षमा मागेकाे छ ।
