काठमाडौं– विवादमा फसेको गैरआवासीय नेपाली संघ (एनआरएनए) को संस्थापन पक्षको निर्वाचनमा मतदाताको संख्या घटेको छ । संघको मार्च २४ र २५ तारिख हुने १०औँनिर्वाचनमा मतदाताको संख्या घटेर तीन हजार ९८ जना कायम भएको हो ।
संघको निर्वाचन समितिले आइतबार एक विज्ञप्ति जारी गर्दै परिचय नखुलेका र सेल्फीमा नलिएका मतदाताहरूलाई मतदाता नामावलीबाट हटाइएको जनाएको छ ।
यसअघि निर्वाचन समितिले तीन हजार ५९० जनाको नाम सार्वजनिक गरेको थियो । करिब एक सय ५० जनाले आङ्खनो परिचयपत्र बुझाउन नसकेका कारण उनीहरूलाई मतदाता नामावलीबाट हटाइएको बताइएको छ । बाँकी मतदाताको स्मार्ट एनआरएनएमार्फत सेल्फी लिन चुकेपछि सूचीबाट नाम हटाइएको जनाइएको छ ।
संघको निर्वाचनमा अध्यक्ष, उपाध्यक्ष, महासचिव, सचिव, कोषाध्यक्षलगायतका पदमा मतदान हुँदैछ । अनलाइनमार्फत हुने निर्वाचनको व्यवस्थापनको जिम्मा अष्ट्रेलियास्थित भेरो कम्पनीले लिएको विज्ञप्तिमा जनाइएको छ । अध्यक्ष पदमा डा.बद्री केसी र रविना थापाबीच प्रतिष्पर्धा हुने छ ।
यसैबीच, कुल आचार्य तथा शेष घले समूहले छुट्टै अधिवेशन गर्दै छन् । सो समूहको अधिवेशन पनि मार्च २४ र २५ मा नै तय गरिएको छ । करिब २० वर्ष लामो इतिहास बोकेको एनआरएनए राजनीतिक रूपमा दुईतिर विभाजित हुँदा संस्था नै फुटको अवस्था आएको छ ।
-1752335779.jpg)
