काठमाडौं — तीन दशकदेखि मिडियामा सक्रिय नाम हो दिनेश डिसी । टेलिभिजन, रेडियो तथा चलचित्र क्षेत्रमा आफ्नो एउटा बेग्लै पहिचान बनाउन सफल दिनेश डिसी ‘नेपाल नेटवर्क टेलिभिजन’को प्रमुख कार्यकारी अधिकृत (सिइओ) मा नियुक्त भएका छन् ।
वसन्त पञ्चमीको अवसरमा डिसीलाई डिएआर ग्रुपले सञ्चालन गर्ने टेलिभिजनको सिइओमा नियुक्त गरेको हो । पछिल्लो समय कान्तिपुर टेलिभिजन तथा रेडियोको स्टेसन हेडको जिम्मेवारी सम्हालेका डिसी अब नेपाल नेटवर्क टेलिभिजनमा आवद्द भएका छन् । कम्पनीका संरक्षक गोविन्दराम दाहाल र डिसीबीच औपचारिक हस्ताक्षर सम्पन्न भएको छ ।
नेपाल नेटवर्क टेलिभिजनमा नियुक्त भएपछि आफ्नो तीन दशक लामो अनुभवलाई अब नयाँ प्रविधिमार्फत अझै दर्शकमाझ पु¥याउने ठुलो चुनौती तथा
अथाह अवसरको रूपमा लिएको डिसीले बताए ।
आगामी नयाँ बर्षको सुरुवातसँगै टेलिभिजनको प्रशारण सुरु हुने सञ्चालक समिति सदस्य श्याम धितालले जानकारी दिए । शुभारम्भसँगै टेलिभिजनले रियालिटी शो ‘सिंगर’ सोल फुल भ्वाइससँगै अन्य कार्यक्रमहरूको प्रशारण हुने धितालले जानकारी दिए ।
