सानोमा रेडियोमा गीत सुन्दा निर्मला थापा मगर सोच्थिन्, ‘एक दिन म पनि गायिका बन्छु ।’ तर, कसरी गायिका बन्ने ? थाहा थिएन । उनै निर्मला अहिले अढाई सयभन्दा बढी गीतका गायिका बनेकी छन् । उनका दर्जनौँ गीतहरू दर्शक÷स्रोतामाझ चर्चित छन् । गीत सुन्न र गाउन भनेपछि हुरुक्कै हुने निर्मला पढ्ने निहुँमा २०६३ सालतिर गुल्मीबाट काठमाडौं आएकी हुन् । निर्मला भन्छिन्, ‘काठमाडौं आएकै वर्ष खडेरीले सुकेको फूलबोलको रेकर्ड गराएँ । त्यो नै मेरो पहिलो गीत हो ।’
गायिका निर्मला थापा मगरसँग गरिएको कुराकानी:
गीतसंगीत क्षेत्रमा कसरी लाग्नुभयो ?
–गीतसंगीत भनेपछि म सानैदेखि हुरुक्कै हुन्थेँ । रेडियोमा गीत सुनेर गुनगुनाउँथेँ । गाउन र नाच्न मनपर्ने भएकाले स्कुलमा हुने हरेक कार्यक्रममा गाउन थालेँ । त्यतिखेरै मलाई गायिका बन्ने रहर पलाएको हो ।
गायिका बन्ने अवसर चाहिँ कसरी जु¥यो ?
–२०६३ सालमा पढ्न भनेर काठमाडौं आएँ । गायिका बन्नलाई जान्छुभन्दा बुबाले नदिने । मेरो बुबा इण्डियन आर्मी हो । एकदमै कडा स्वभावको हुनुहुन्थ्यो । त्यसैले पढ्न भनेर काठमाडौं आएँ । मेरो उद्देश्यचाहिँ पढाइ र गायनलाई सँगै अगाडि बढाउनु थियो । काठमाडौं आएपछि पढ्दै गायन सिक्न थालेँ । त्यो समयमै ‘खडेरी सुकेको फूल’बोलको गीत रेर्कड गराएँ । जुनगीत मेरो पहिलो रेकर्डेड गीत हो ।
रेडियो सुनेरै गायिका बन्ने मोह जागेको हो त ?
–हो, जसरी पनि मैले गीत सुन्नै पर्ने । बुबाले रेडियो जताजता लैजानुहुन्थ्यो । म पनि उतैउतै गएर गीत सुन्थेँ । र, एकदिन म पनि गायिका बनेरै देखाउँछु भनेर सोच्थेँ ।
सानो हुँदा कस्तो गीत सुन्नुहुन्थ्यो ?
–त्यो बेला लोकपप र आधुनिक गीत बढी सुन्थेँ । रेडियोमा पनि लोक र पप गीतहरू बढी बज्थ्यो । म कुन्ती मोक्तान, सत्यकला राई, राजेशपायल राईको ‘फैलियो माया दुबो सरी’, आभा मुकारुङ र तिलक बम मल्लका गीतहरू औधी सुन्थेँ । उहाँहरूको गीत सुन्दा अहिल्यै गायिका बनुँबनुँ जस्तो लाग्थ्यो ।
तपाईं कस्ता गीत बढी गाउनहुन्छ ?
–म सबै प्रकारका गीत गाउँछु । आधुनिक गीतबाट गाउन सुरु गरेकी हुँ । तर, म आधुनिक मात्र नभएर लोकपप, लोकगीत, दोहोरी, सालैजो र तामाङ सेलोसमेत गाएकी छु ।
तपाईंको पहिलो एल्बम कुन हो ?
–मेरो पहिलो एल्बम ‘चोखो माया’ हो । त्यो समयमा एल्बममा धेरै गीत राख्ने चलन थियो । मैले पनि सात वटा गीत राखेर ‘चोखो माया’ एल्बम निकालेकी थिएँ । त्यो एल्बम सोचेभन्दा राम्रो भयो । ‘चोखोमाया’का गीतहरू स्रोताले रुचाई दिनुभयो । जसले म अझ गायनमा हौसिएँ ।
तपाईंका गीत सुनेर बुबाले के प्रतिक्रिया दिनुभयो ?
–बुबाले मेरो गीत सुन्नै पाउनुभएन । भर्खरै गीत गाउन सुरु गर्दागदै बुबा किड्नी फेल भएर बित्नुभयो । सुरुमा बुबाको किड्नी फेल भएको थाहा भएन । एक्कासी बुबालाई गाह्रो भएपछि अस्पताल लैजाँदा उहाँ बित्नुभयो । त्यसैले बुबाले मेरो गीत नै सुन्न पाउनुभएन ।
हालसम्म तपाईंले कति गीत गाउनुभयो ?
–यति नै भनेर यकिनका साथभन्न सक्दिनँ । तर, लोकपप, आधुनिक, लोकगीत, सेलो सबै गर्दा अढाइ सयभन्दा बढी गाएँ होला ।
तपाईंलाई गायिकाका रूपमा स्थापित गर्ने गीत कुन हो ?
–मेरो थुपै्र गीतहरू छन्, जसले मलाई नेपाली सांगीतिक क्षेत्रमा गायिका निर्मला थापा मगर भनेर चिनिएकी छु । हाँसेर बोल, मेरो सोल्टी राजा, फूलैमा बस्ने भमरालगायत मेरो गीतहरू दर्शक तथा स्रोताले रुचाउनु भएको छ । ती गीतहरू अहिले पनि मेला, महोŒसवमा रुचाउँने गरिएको छ ।
अहिले आफ्नो रहर पूरा भएजस्तो लाग्छ ?
–रहर त पूरा भएको छ । तर, गर्नु अझै बाँकी छ । गीतसंगीत क्षेत्रमा लाग्ने सबैको चाहना र इच्छा भनेको स्रोतालाई एकपछि अर्को उत्कृष्ट गीत दिउँ भन्ने हुन्छ । मलाई पनि त्यस्तै लाग्छ । समग्रमा भन्नुपर्दा सन्तुष्ट र खुसी छु ।
ढेड दशकयता गायनमा हुनुहुन्छ । यो क्षेत्रमा परिवर्तन के पाउनुभयो ?
–जतिखेर गायनलाई व्यवसायी रूपमा अँगालेकी थिएँ, त्योबेला र अहिलेको अवस्था सम्झिँदा आम परिवर्तन भएको छ । अहिले जस्तो त्यो समयमा ब्रगेल्ती मिडिया थिएन । गाउनका लागि धेरै मिहिनेत गर्नु पर्दथ्यो । गीत गाएपछि प्रमोट गर्नु गाह्रो थियो । तर, अहिले प्रविधिसँगै मिडिया पनि प्रसस्त भए । आफूले चाहेमा जतिखेर पनि भाइरल बनाउन सकिन्छ ।
